عمرو حسين يكتب: خماسيات فى القرب والفراق

لا مش أنا اللى اختارته

ولا هو كان قاصد يختارنى

الهوى استمر فى عادته

وجمعنى بيه عشان يوجعنى

وأعيش طول عمرى فى سيرته

بصراحة الحب ما كانش وقته

كانت شايفة المشاعر يعنى المال

ودا حب كداب أنا رافضه

ما استنيتش هى يتغير الحال

رابطة مشاعرها بالدولار وأنا مش أده

بعدها صحيح فى الأول جرحنى

ودا عذاب عشته لوقت وفترة

ولقيت حب حقيقى للدنيا رجعنى

كان لازم أعدى اللحظة العثرة

وأعرف تانى قلب بنظرة يفهمنى

نسيانها كان شىء صعب شىء محال

كانت واقع حقيقى وبقيت خيال

كانت حبيبتى وفضلت هى الغياب

وكدبت على نفسى وعشمتها بالسراب

على حب ضاع زى الطير وسط السحاب

ومين يصدق الدنيا فيها واحدة

ما بتعرفش تحب وبيه جاحدة

ياريتنى ما عرفتك ولا شفتك

كان أفضل أكون لوحدى

ولا أنت فى عمرى تيجى ولا تعدى

وعدى عشر سنين من زمانى

شفتك ما عرفتكيش ولما بصيت تانى

لقيتك أنت فى نفس المكان الأولانى

صحيح شكلك اختلف عيونك فتنوا عليكى

ورمشك لو نسيته ما ينسانى