هاجمت نادية الجندى، نادر حمدى، ابن زوجها الفنان الراحل عماد حمدى، مهددة برفع قضية عليه، بسبب ادعائه أن والده كتب لها كل ما يملك قبل وفاته، ولم يترك لأسرته أى أموال.
وأضافت الجندى، فى حوارها ببرنامج "أنا وأنا" الذى تقدمه الإعلامية سمر يسرى ويذاع على قناة ON E: "عماد حمدى لم يخسر فلوسه بسبب فيلم بمبة كشر وكل دى إشاعات مالهاش أى أساس من الصحة، وكنت دايما بزوره أنا ومحمد مختار على طول وكنت ببعتله خدامينى".
وعن تصريحات نادر حمدى ضدها، أجابت نادية الجندى: "الراجل ده كداب ولم يحدث أى حاجة من الكلام ده وهو يعلم كويس أوى إن عماد حمدى لم يكن يملك أى مليم، وهو اللى ورا اللى بيتكب عنى لكره قديم جدا لأسباب اجتماعية، ولو فضل على كدة هرفع ضده قضية، وابنى قاله كدة".
وتابعت: "عماد حمدى كان ساكن فى المهندسين، ولو أنا طالبت بحق ابنى قانونا ابنى يمتلك نصها، لكن مش أنا اللى أعمل كدة".
