لحم حمير
مشاركة
كنت أمشى ف الشارع أسمع نهيق مكتوم
و ناس ودانها مطرطقه و ناس عليها تزوم
قلت أروح لجزارنا أجيب بقى المعلوم
لقيت دكانه مقفله عليها شموع و ختوم
قالوا اللى كان بيشكك طلع ضميره معدوم
قفشوه بيدبح تلت أربع حمير فى اليوم
مسكت بطنى و جريت ع العيال مصدوم
لقيت مراتى ربطه راسها و نزله ع العيال بالشوم
وعيالى بترفص ف إيدها و الدم منهم عوم
و جيران بتصرخ و جيران تنهق و جيران عليها تزوم
قلت لها ليه النكد قالت سقطوا حساب و علوم
قلت لحم الحمير السبب ليه بقى حتلوم
مشاركة
تم أضافة تعليقك سوف يظهر بعد المراجعة