نجيب ساويرس: "محدش يقدر يجى عليا.. أنا سوهاجى ودماغى أنشف من الحجر"

قال المهندس نجيب ساويرس، مؤسس حزب المصريين الأحرار، :"لقد وضعت حياتى على كفى عشان البلد دى وقت ما كل الناس كانت خايفة، وحاربت الإخوان لأجل الوطن وليس مصالحى، ووضعت أملاكى فى خطر لوقوفى ضدهم".

وأضاف "ساويرس" فى مداخلة هاتفية ببرنامج "90 دقيقة" الذى يقدمه الإعلامى معتز الدمرداش، عبر فضائية "المحور"،  أن إدارة حزب المصريين الاحرار الحالية تجعل دوره فى الحياة السياسية "طبل وزمر"، مضيفاً:" أنا راجل صعيدى ومش هسيب حقى أبداً وهخلى علاء عابد يندم على اللى عمله، والتاريخ هيحكم عليه كما حكم على غيره".

وتابع رجل الأعمال: "اللى يبيع مؤسس حزب يبيع أى حد، وأنا مسئول عما حدث ومشكلتى أننى حسن النية، ومحدش يقدر يجى على راجل من سوهاج وصعيدى زى ويقول له مع السلامة.. دا ساذج جدًا وهيرجع الحزب وهناخده بالقانون، والصعايده فى الحاجة دى دماغهم أنشف من الحجر".