نشبت مشادة بين الفنانة انتصار وزميلتها الإعلامية حبيبة ببرنامج "نفسنة"، المذاع على قناة القاهرة والناس، حيث قاطعت "حبيبة" انتصار خلال حديثها مع أحد ضيوف البرنامج عن أن بداية الفشل هو ظن الشخص أنه يحقق النجاح بمفرده، وسخرت حبيبة قائلة "بجد.. ماشي يا انتصار طب مين بقى بينفسن عليكي؟".
وردت انتصار عليها خلال تقديمها حلقة "نفسنة": "أنا مش بفكر كده خالص.. ومش شطارة إنك ترمى كلمة وبعدين تكملى أسئلة ولو عايزة تلعبى اللعبة دى أنا جديرة فيها"، وقالت حبيبة: "أصل اللي انتي بتقوليه عكس اللي بتعمليه في الواقع تمامًا".
واشتدت وتيرة الخلاف بين "انتصار" و"حبيبة"، حينما قالت انتصار: "أنا مؤمنة بالعمل الجماعى ومحدش بيشتكى غيرك"، فقاطعتها "أنا واحدة من فريق عمل البرنامج"، فردت انتصار "انتى عمرك ما هتبقى من فريق العمل"، مما أدى فى النهاية إلى انسحاب الإعلامية حبيبة من البرنامج على الهواء.
عدد الردود 0
بواسطة:
ADEL AMEEN
الفراق ارحم
واضح انهم ما بيحبوش بعض فصعب قوي انهم يشتغلوا مع بعض بغض النظر مين فيهم اللي على حق ..... اسوء شيئ في الدنيا إنك تكون بتشتغل او عايش مع حد مابتحبوش لأنك مهما تحاول تتجنب المشاكل معاه برضو هتقع فيها إن عاجلآ او آجلآ
عدد الردود 0
بواسطة:
Magdsmail csnada
ناس
ناس فاضية والي يتفرج عليهم بيضيع وقته أفضل له يقرأ كتاب أو يلعب رياضة
عدد الردود 0
بواسطة:
مشمش
والله برنامج ناجح..وخاصه ايام الممثله الدبدوبه التى تركته..وممكن برضه يمشى بالثلاثى الموجود
....
عدد الردود 0
بواسطة:
تيتو
ضاع الاعلام من زمان
الاشكال دى تعمل برامج ليه أصلا؟.....فين زمن الاعلام الجميل والناس الاكاديميه اللى فاهمه اعلام صح انما الرقاصه والممثل والمطرب أصبحم مقدمين برامج كلها تفاهات وقلة أدب
عدد الردود 0
بواسطة:
ام علي
القاهر
احسن ياريت مترجعش تاني احنا مش بنحبها رجعوا شيماء لوسمحت
عدد الردود 0
بواسطة:
ام علي
4
احسن احنا مابنحبهاش وياريت ماترجعش تاني رجعوا شيماء بقي
عدد الردود 0
بواسطة:
mahmoud
ستات مستفزة و برنامج مستفز و حاجة تقرف كلهك كلهك يقرفوا
تعليقى فى العنوان
عدد الردود 0
بواسطة:
ابن مصر
ممثلين بيمثلوا
لا اعتقد ان مقدمة برنامج تترك البرنامج علي الهواء لانها مرتبطه بالعقد مع المحطه موش جايه محبه و لا مجامله ، كما انه من المعروف ان تلك البرامج تسجل قبل اذاعتها بساعات و ليست بث مباشر ، فالمشهد الذي رايناه معد مسبقا لاعادة البرنامج الي واجهة اهتمام المشاهدين
عدد الردود 0
بواسطة:
ميدو
انتصار
12 نوفمبر 2013" الأجهزة الأمنية بالجيزة القبض على الفنانة المصرية انتصار بمنطقة الدقي أثناء تواجدها داخل سيارة ملاكي بصحبة 3 أشخاص كويتيين فجرا وكانت في حاله سكر." الله يرحم ايام زمان
عدد الردود 0
بواسطة:
على على
منتهى السخافة
بصراحة هو برنامج سخيف واللى بيقدموه اخر سخافة وخصوصا انتصار وبدرية طلبة