إحباط إيه لا مؤاخذة اللى حسيت بيه لما المنتخب اتهزم فى النهائى وخد المركز التانى؟ ومركز أول إيه اللى زعلان عليه قوى؟
معلش، أصل انت متعود ع المركز الأول فزعلان.
مصر تحتل المركز الأول على الكرة الأرضية فى حوادث الطرق، والمركز الأول عالميا فى ختان الإناث، والمركز الأول «من ورا» فى جودة التعليم على مستوى العالم كله، والحمد لله خرجنا من التصنيف.
مصر تحتل المرتبة 142 عالميا من بين 144 دولة، كأكثر الدول عجزا فى الموازنة العامة للدولة، والمرتبة 119 فى التنافسية، والـ 130 فى قائمة أكثر الحكومات تبذيرا، والـ 121 فى جودة خدمات الشبكات الكهربائية، والـ 140 فى مؤشر كفاءة سوق العمل ، والـ118 فى مؤشر كفاءة سوق السلع، والـ127 فى معدل انتشار الجريمة، والـ140 فى الأمن العام، والـ142 فى التكلفة الناجمة عن الإرهاب على الاقتصاد.
وتحتل مصر المركز الثانى عالميا فى التحرش الجنسى ، والـ 105 فى مدى كفاءة القانون فى حل النزاعات، والـ 120 فى الابتكارات والاختراعات، والـ119 فى تحقيق المتطلبات الأساسية للمواطنين، والـ 135 فى مؤشر «السعادة»، والـ5 فى مؤشر البؤس العالمى، والـ136 فى قوة القوانين والأمن وحرية إنشاء التنظيمات السياسية والدينية، والـ 158 فى حرية الصحافة.
صلى ع النبى، وما تتحمقش قوى ع الكورة، واحمد ربنا إنك عايش.
عدد الردود 0
بواسطة:
وئام
ياسلام يااستاذ
ياسلام يااستاذ