قالت الفنانة الهام شاهين خلال ندوة فيلمها "يوم للستات" التى أقيمت ضمن فعاليات مهرجان المركز الكاثوليكى، " الفيلم كان طويل جدا وحذفنا منه فى المونتاج حوالى 40 دقيقة، وشيلنا خط كامل كنا قلقانين منه شوية، بس هاحاول أرجعه لما يتعرض فى التليفزيون".
وتابعت "الجزء اللى حذفناه كان يخص الولد المتطرف دينيا اللى هو أحمد الفيشاوى لما بيختفى ويخرج من الحارة ولما بيرجع بيكون متجوز من بنت عندها 12 سنة ومنقبة، وأحمد الفيشاوى بيرفض إنها تنزل حمام السباحة، وبعد كده بتخرج من وراه وبتنزل حمام السباحة بالنقاب ولإنها مش بتعرف تعوم والنقاب شرب مية بتتخنق بسببه وتموت".
وأضافت " وهذا ما أرادنا قوله أن النقاب يقتل الطفولة وكان المفروض يسيبوها لما تكبر وتختار الشكل اللى عوزاه، مؤكدة "النقاب ليس فرض دينى عكس الحجاب".
وأشارت إلى أن النقاب غير مطلوب قائلة، أبسط دليل لما بنروح نؤدى مناسك الحج او العمرة بنكون مطالبين بكشف الوجه واليدين.
