أرسل القارئ عبده محمد، رسالة إلى خدمة "صحافة المواطن" اشتكى فيها من تأخر استلام وحدته السكنية، قائلا: "الواحد مقدم بقاله سنتين ولحد دلوقتى عمال يدفع فلوس ومش عارف إيه آخرتها".
وقال القارئ فى نص رسالته: " العوائق أمامنا من تجاه وزارة الإسكان.. إحنا من حاجزى الإسكان الاجتماعى محدود الدخل من عام 2015 وتم تحويلنا لبدر والشروق ومايو وارتضينا ندفع فروق المقدمات بخلاف الذين قدموا قبلنا ودفعنا 5000 بالإضافة إلى 4000 تكملة قيمة الحجز".
وأضاف قوله: "فرض علينا ندفع 4000 كل 3 شهور ومفيش قدامنا حاجة غير إننا ندفع منين بقى دى مش شغلته ودفعنا دفعتين والدفعة الثالثة أول يونيو واكتشفنا فى الوقت الحالى إن كتير مننا ترفضهم البنوك عشان أعمال حرة ولا يوجد لنا تأمين ولا موظفين حكوميين كضامن بالرغم من أن الوزير قال فى لقاء إنه سوف يصلح الأوضاع مع البنوك".
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتسآب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيسبوك"، على أن تُنْشَر الأخبار المُصَوَّرَة والفيديوهات باسم القُرّاء.
نص الرسالة
عدد الردود 0
بواسطة:
محمد سعد رمضان الشيخ
بقالى 8 سنين مقدم فى الاسكان الاجتماعى ولسه ما استلمتش
بالنسبه للقارئ عبده محمد الذى ارسل رسالته لخدمه ( صحافه الوطن ) بيقول انه مقدم من سنتين ولسه ما استلمش احب اقوله انى بقالى 8 سنين الا شهر بالظبط انا مقدم 5_ 5_ 2010 وورقى حاليا اتحول البنك بعد معاناه وطوله بال وطبعا حاجزنى على الرف فى مدينه دسوق محافظه كفر الشيخ ومش عارف انا حصبر تانى لحد امتى بس ده ان دل على شئ بيدل ان وزاره الاسكان حولت المواطنين للبنوك عشان تنهش فى لحمهم وعشان الرفض التعسفى بتاعهم انا مقدم ودافع فلوسى وكانت الشقه ب35 الف النهارده بقت 161 الف فورى ولما نتحول للبنك بتعدى 300 الف قسط اناشد الساده رئيس مجلس الوزرا ووزير الاسكان ورئيس صندوق التمويل العقارى بالتدخل لرحمه المواطنين انا كرهت اكون متعلق اكتر من كده انا وصلت لمرحله انى لو جانى رفض لطلبى حرتاح والله ومش عاوز حاجه منكم انا وصلت لمرحله اليأس وبطلب من ربنا انى حتى لو اترفضت عاوزكم تتدخلوا عشان فيه ناس كتيير قوى زييى
عدد الردود 0
بواسطة:
عبدالرحمن علي خلف محمد
ساعدونا ياسيادة الرئيس
أنا مقدم بقالي سنتين في الاعلان السابع دهشور وخاطب أنا عندي 33 سنة ونفسي ربنا يكرمني بالشقة ساعدونا وارحمونا احنا زي أولادكم احنا مش بنطلب المستحيل احنا طمعنين في كرم ربنا ثم سيادتكم
عدد الردود 0
بواسطة:
مليش فى السياسه
مهازل فى البنوك
مصيبه ان الوزير ومحافظ البنك المركزى قالو انهم حلوا كل مشكلات وادوا تعليمات للبنوك بعدم مطالبة تحويل مرتب للبنك ولا ضامن حكومى ولاولاولا؟؟ كل كلام ده هجص عاوزين تشوفوا مهازل وتعنت تعسف من بنوك روحوا شوفوا البنوك بتعمل ايه فى ناس والتخبط فى الطلبات والقرارات وكل كلام الوزير ومحافظ البنك المركزى فرقعه اعلاميه مش اكتر