طالب اللواء أنور سعيد مدير أمن القليوبية بعض الشباب، أثناء جولته بحدائق القناطر الخيرية، بضرورة تغيير "قصة شعرهم"، وقال لهم:" هذه القصات الغريبة غير مناسبة للمجتمع المصرى".
وأضاف مدير الأمن فى حديثه مع الشباب:" أنا أقدم لكم نصيحة أب خليكوا رجالة وتمسكوا بمبادئ الشعب المصرى وبلاش التقليد الأعمى للغرب"، وشدد عليهم مدير الأمن ناصحا:" اوعوا حد يضحك عليكم وتشربوا حاجة أنتم زهرة شباب مصر أنتم المستقبل".
جاء ذالك خلال تفقد اللواء أنور سعيد مدير أمن القليوبية، يرافقه العميدان عصام الغزالى مدير الإعلام والعلاقات بالمديرية وأشرف درويش مأمور مركز القناطر والعميد أحمد العاصى والمقدم طارق عادل رئيس مباحث القناطر، مدينة القناطر الخيرية لتفقد احتفالات شم النسيم.
وزار مدير الأمن ومرافقوه عددا من الحدائق، وقام بتهنئة زوارها بأعياد الربيع، كما تفقد المراسى النيلية، وتحدث مع عدد من الشباب وحثهم على الالتزام بالآداب العامة.
مدير الأمن والشباب
مدير الأمن يتحدث للشباب
عدد الردود 0
بواسطة:
محمد مصطفى
برافو مدير الأمن
البعض هيبقى شايف ان ده تدخل في الحرية الشخصية .. والبعض هيشوف انه اتكلم بحس الاب المصري لا اكثر ولا اقل لكن الصور اللي معروضة على اليوم السابع بتوضح ان في تفاعل ايجابي بين الشباب الصغير ده ومدير الأمن يعني حديثه الودي معاهم كان صادق ووصلهم .. وهو ده المسؤل سواء كان امني او غير امني الي يتفاعل مع الجماهير ويحسوا بصدق كلامه ومن ثم يصبح لديه القدرة على التغيير الايجابي في المجتمع
عدد الردود 0
بواسطة:
احمد
خلو الشباب فى حالها
خلو الشباب فى حالها ونظفو البلد من الفساد
عدد الردود 0
بواسطة:
محمد عبد العزيز
ونعم التصرف والنصيحة
تصرف في قمة اللياقة والأخلاق , جميل جدا جدا بارك الله فيه
عدد الردود 0
بواسطة:
مصرية
يا ريت نراعي الحاجات دي لمنع انتشار الشذوذ والانحراف
سيادة اللواء ليس معتاد على هذه المناظر في رجال الكليات العسكرية والشرطة، وينصح الشباب الصغير نصيحة أبوية حرصاً على مصلحتهم ونتمنى أن يأخذوا بالنصيحة . ربنا يحفظنا ويحفظ أولادنا جميعاً
عدد الردود 0
بواسطة:
الكينج المصري
البركه في اوكا وأورتيجا واللي مايتسماش محمد رمضان
دول بيقلدوا الشباب الفاسد واللي عاملين فيها نجوم
عدد الردود 0
بواسطة:
سمسم
سيبوا الشباب فى حالهم
لو مدير الأمن رجع كده لنفسه لما كان فى عمرهم يجد نفسه كان بيعمل اكتر منهم فكروه بالفلسين فى الشعر فى أيامه يا مدير الأمن فى حاجات اهم من تسريحة الشعر للشباب انصحهم محدش يغرر بيهم انصحهم ان تكون اعينهم مفتوحة ويبلغوا عن الشباب المغرر بهم وان يبعدوا عن المخدرات حاجات كتير ممكن تنصح بيها الشباب اما تسريحة الشعر ده شباب وفرحان بشبابه ليه نعكنن عليه فى حاجة هو مبسوط بيها .
عدد الردود 0
بواسطة:
SADX55
مش مهم
مش مهم التسريحة الأهم اللي تحت التسريحة في أيه
عدد الردود 0
بواسطة:
Abdalla Wageeh
و يا ترى كتالوج المجتمع المصري موجود فين ؟؟
اتعجب من كل واحد بيفرض وصاية على حد اصغر منه لمجرد انه مختلف .. يا ترى سيادة مدير الأمن سأل الشباب عن تعليمهم .. عن احلامهم .. طموحاتهم .. بدل ما يسألهم عن تسريحة شعرهم ...