أكد الدكتور سعد الدين الهلالى المفكر الإسلامى، أنه يجوز الجمع بين الصلوات الخمس دون الشعور بأى ذنب أو خطأ، مستطردا: "عايز الطلاب متقلقش لو ملحقتش تصلى صلاتين عادى، الرسول - صلى الله عليه وسلم - جمع بين الصلوات، وممكن تصليهم فى البيت عادى من غير ما تحس بذنب".
وأضاف الهلالى، خلال اللقاء المفتوح بطلاب جامعة القاهرة، تحت عنوان "تفكيك الفكر الإرهابى المتطرف_ مسئولية شعب"، اليوم الأحد، أن الفكر المتطرف يعرض فقط الرأى المتحجر والمتشدد ولا يعرض الرأى الآخر المقابل له، موضحا أن الفكر الإرهابى يشعر بالضيق والظلام عندما يستمع إلى الأفكار المبسطة والطبيعية.
وأشار المفكر الإسلامى، إلى أن رجال العلم لا يجب أن يقدموا أنفسهم كرجال دين، مؤكدا أن من يقدم نفسه كرجل دين يخدع من أمامه وهو نوع من أنواع الإرهاب، مؤكدا أن الله لم يكلف أحدا بإدخال آخر الدين، وإنما حث على التفكير والتأمل.
عدد الردود 0
بواسطة:
وفاء
راجل عاقل
حالا سيظهر له خمسة الاف سلفى متشدد ينيلوا عيشته بفتاويهم
عدد الردود 0
بواسطة:
Ahmed
الي التعليق رقم 1
الي التعليق رقم 1 من غير تشدد ولا سلفي الجمع بين الصلوات له شروط زي السفر مثلا لكن مش اكون مكسل اصلي او مشغول في حاجة واقول بالليل اصلي كلهم مع بعض لا طبعا مينفعش لازم الصلاه في اوقاتها الا في الضرورة - ان الصلاة كانت علي المؤمنبن كتابا موقوتا -
عدد الردود 0
بواسطة:
Salah
إلي تعليق رقم 2
الدين يسر لا عسر الخطاب موجه للشباب الغير ملتزم ألتزام كامل يعني لما تفوته صلاة بيكسل عن الباقي فلما نيسره الصلاة بالجمع بدون أحساس بالذنب أحسن من انه لا يصلي خالص ومع الوقت سوف يلتزم بمواعيد الصلاة . اما الملتزمين بالصلاة في وقتها عمرهم ما هيجمعوا إلا في حالات هم يعلمونها .. يسر ولا تعسر والله أعلم
عدد الردود 0
بواسطة:
Great
الي استاذ احمد رقم 2
يا استاذ احمد الراجل عاوزهم يصلوا باي طريقة ويعودهم على الصلاة.. ويعد كدة انت هاتلاقيهم لوحدهم بيصلوا كل صلاة في وقتها... بس الاول خليهم يبتدوا يصلوا .... ولا ايه رايك................!!!!!!!!!!!!!!!!!!!!
عدد الردود 0
بواسطة:
دكتور كمال سالم
الى تعليق رقم 3 والله أعلم!
طالما الدين يسر ومش عسر ممكن نصلى الجمعة هنا فى أمريكا الشمالية يوم السبت أو الاحد طالما إحنا بنشتغل يوم الجمعة والسبت والاحد أجازة؟ رحمتك يا رب! وبالمناسبة المغرب هنا فى الشتاء على الساعة خمسة وفى الصيف على الساعة تسعة مساءا فهل ممكن نثبت رمضان فى الشتاء وبلاش فى الصيف؟ رحمتك يارب من التجهبذ فى الدين والتفزلك فى أصول العبادة!
عدد الردود 0
بواسطة:
مهندس عماد عيسوي
الموضوع له أصل
يوجد احاديث صحيحة في البخاري و مسلم تجيز جمع صلاتي الظهر و العصر معا و صلاتي المغرب و العشاء معا و الحديث بيقول الرسول فعلها دون عذر من سفر او مرض حتي لا يحرج امته ( يعني حتي لا يضيق عليهم ) يعني الجمع بين الصلوات له أصل
عدد الردود 0
بواسطة:
عصام الجارحى
فعلا التيسير فى الدين حلال
لكن لو اخطاء فى الامتحان ووضع كلمة مكان كلمة يسقط ويعيد السنة طيب خلينا نيسر على الطلبة وكل واحد يكتب فى ورقة الاجابة اللى يريحة حتى لا نضيق عليهم و بعدين السنة الجاية مفيهاش حاجة لما يزنى او يشرب الخمر ممكن بالليل قبل ما ينام يتوب لغاية ما نوصل 2020 نكون بس بنقول الشهادة قبل الوفاة وكفاية اوى تسهيل علشان نغيظ بتوع السلف ( السلفيين ) المتشددين الوحشين امات دقون حسبى الله ونعم الوكيل فى كل من حرف فى اصول العبادات