مواطن يشكو من قراءات جزافية لعداد كهرباء منزله فى حى البساتين

أرسل القارئ إبراهيم محمود محمود، من سكان حى البساتين بالقاهرة، شكوى لخدمة "صحافة المواطن" من القراءات الجزافية لعداد كهرباء منزله ومطالبته بفواتير أعلى من القيمة الحقيقية لقراءة العداد.

وقال القارئ "بداية القصة مع شركة الكهرباء كانت بتسجيل قراءات جزافية بـ800 كيلو وات علشان أدخل شرائح أعلى وأدفع مبالغ أكبر وكلمت خدمة العملاء فى شكاوى الكهرباء وقالولى علشان ميحصلش غلط تانى ده موقع الشركة وده برنامج بيسجل القراءة على النت وطبعا اللى دفعته من فرق الشرائح راح عليا وبعد خمس أشهر القراءة اللى بسجلها من العداد وأبعتها من برنامج تسجيل القراءات على النت هى اللى بتنزل فى الإيصال وكله تمام لغاية قراءة شهر 4/2017 ودى اللى بتيجى فى الإيصال بتاع شهر 5 وكانت 41415 وفوجئت إنها جاية فى الإيصال 41635".

وأضاف قائلا: "معنى ذلك أنه يوجد بها زيادة 220 كيلوات بكل تعمد وتجاهل للقراءة اللى بلغتهم بيها عشان يدفعونى مبالغ مرتفعة بدون وجه حق مع العلم إنى بلغت قراءات العداد لشهر 5 اللى هتنزل فى الإيصال بتاع شهر 6 ولم تصل حتى للقراءة اللى الشركة حطتهالى ودى نسخة من ذاكرة تسجيل القراءات على برنامج الشركة".

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتسآب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيسبوك"، على أن تُنْشَر الأخبار المُصَوَّرَة والفيديوهات باسم القُرّاء.

فاتورة المواطن

نسخة من قراءات عداد كهرباء المواطن

نص الرسالة