دشن رواد موقع التدوينات الصغيرة "تويتر"، هاشتاج "مش نازلين وفى السيسى واثقين" احتل صدارة قائمة الأكثر تداولا "الترند" بأكثر من 10 آلاف تغريده، فى إشارة إلى الشوارع الخالية من المتظاهرين المزعومين، وأيضًا إلى وعى الشعب المصرى ومعرفته بالمخربين ودعاة الفوضى.
واتسمت تعليقات المشاركين من خلال الهاشتاج بالسخرية من ندرة الأعداد فى الشوارع وبين دعم الثقة ومساندة الرئيس، حيث قالت هنا: "إحنا مش مطبلاتية، إحنا مصريين عارفين قيمة البلد دى وخايفين عليها، وعارفين كويس مين خايف عليها بجد ومين عايز يهدها"، فيما قال حساب باسم الوردة الجميلة: "الجزيرة جايبه سوق الخضار فى الجيزة وبتقول مظاهرات تجتاح محافظات مصر، هما بيتظاهروا على الطماطم".
الوردة الجميلة
وأضاف كريم: "أنا شايف جماعة كانت بتقول طظ فى مصر، قالوا كمان الوطن لا يساوى حفنة التراب، وكانوا عايزين اليهود يرجعوا"، وقالت ميرو أسامة: "الله يحفظك ويسدد خطاك، من غير ما تتكلم واثقين فيك يا سيسى، وإلى كل خاين مفيش حاجة ينفع تتقالكم غير موتوا بغيظكم"، فيما قال مصطفى الضو: "طبعا نثق فى رئيسنا وقائد جيشنا العظيم، أما الخونة اللى عايزين يخربوا مصر مالهومش مكان بينا، محدش نزل".
كريم
وتسائل جمال حمدى مصطفى، قائلا: "كيف لمن أقسم على حماية الوطن ووحدة وسلامة أراضيه أن يبيع الذى باع من قال طظ فى مصر وأن الوطن حفنة من تراب عفن"، وقالت عطر: "لو كان عاوز يبيع كان باع من زمان، اللى عرض حياته للخطر عشان بلده مستحيل يخون أو يبيع أرضها"، فيما قالت نور الهدى: "أنا مع السيسى لأخر المطاف، أنا مع شخص بيحمى البلد ومتأكدة إنه حاميها".
أسماء
وأوضحت انجى: "تدخل صفحات النشتاء والخرفان تقول مصر مولعة مظاهرات، تنزل الشارع الناس عايشه حياتها عادى ولأنهم واثقين فى السيسى"، وقالت أمل السعيد: "على فكرة دى مش ثورة، ده بيقولوا فى مائدة للإفطار الجماعى فى أخر الشارع وهما رايحين يفطروا عليها"، بينما قالت أسماء: "من كمية الناس اللى منزلتش بتأكد إن الشعب المصرى شعب واعى وفاهم المؤامرة، تحيا مصر للأبد".
السيسى
أمل
انجى
جمال حمدى مصطفى
عطر
كوميكس المظاهرات
كوميكس عن حمدين صباحى
كوميكس
لن تسقط مصر
محدش نزل
مصطفى الضو
ميرو أسامة
نور الهدى
هنا
ونيس أبو الفضل
عدد الردود 0
بواسطة:
سعيد
تنزلوا ليه قالها السيسى
وعشان كده نزلنا بالملايين واعطينا السيسى تفويض وامر لمحاربة العنف والارهاب المحتمل ومش حننزل تانى الا لو طلب منا واعتقد انه مش محتاج حاجة لانه قضى بالفعل على العنف والارهاب والداخلية عاملة الواجب وزيادة
عدد الردود 0
بواسطة:
مصرية
المصريون نزلوا فى رمضان لشخص واحد فقط من أربع سنوات وهو السيسى
اعرفوا حجمكم الطبيعى المصريين مع زعيمهم وقائدهم السيسى
عدد الردود 0
بواسطة:
Haytham
هنحافط عليها أكيد
طبعا واثقين فيك ياريس. ربنا معاك ويعينك ويحفظ عمرنا ماكنا ناس ناكره للجميل انت وقفت معانا ياريس وبفضل الله ثم الرئيس السيسي البلد دي كانت هتروح بلا راجعه وعارفين ان اهل الشر لا يهمهم البلد وياريت الناس ترجع لفيديوهات 2013 ناس لاتعرف وطن ولاتعرف انتماء هم عايزين يخربوها ويقعدم علي خرابها. ربنا معاك يا ريس ويعينك ويحفظك ويحفط بلدنا وجيشنا العطيم ربنا ينصرك ويقويك ياريس. واثقين فيك ومعاك وربنا معاك ويقويك. تحيا مصر بيك وبجيشنا العظيم تحيا تحيا تحيا مصر........ تحيا مصر
عدد الردود 0
بواسطة:
وائل محمد
مع السيسي لآخر العمر
بردو مش هننزل يا خرفان ، ومش محتاجين نتأكد بنفسنا ، علشان إحنا بنحب البلد ديه بجد وعارفين بلدنا محتاجه ايه مننا في المرحلة ديه ....موتو بغيظكم ...الله يرحمك يارفعت الجمال ...مكانش عارف انه هيجي اليوم اللي العملاء والخونه هيكونوا طالعين فيه عيني عيناك كده وبكل بجاحة ..وعادي بيس يا مان ....فعلاً حاجة تقرف ......الله يعين السيسي على كل خونة الداخل والخارج ..وان شاء الله دوركم جي ..بعد " قويطرة "
عدد الردود 0
بواسطة:
مادى
والله هو كان النهارده مظاهرات
ياجماعه ماقولتوش ليه ان النهارده مفروض يكون فيه مظاهرات زعلت انا كنت عملت صينية بطاطس وجيت .
عدد الردود 0
بواسطة:
سعد
الحقيقه ان الشعب اصلا ميعرفش ان فيه مظاهرات ولادعوات
رواد الفيس فقط هم المتابعين***الشعب ملهى فى اكل العيش وموائد الرحمن والكنافه والقطايف والبسكويت والكعك وكل عام وانتم بخير ***
عدد الردود 0
بواسطة:
ايمي مصطفي
معاك يا رايس بلديالغالي
معاك يا رايس بالي أنقذت بلدنا وانقذتنا من الخونه اللي باعو دمنا وشبابنا للعدو معاك يا حامي حمي الوطن بلدنا امانه وانت قد الامانه يابن مصر يا غالي