ظهرت ملامح تمسُّك المذيع والفنان الشاب الراحل عمرو سمير بالأخلاق، عبر رسائله بموقع التواصل الاجتماعى "فيس بوك"، وكان آخر ما كتب المذيع الراحل: "طول ما عندك ثقة فى نفسك طول ما هتعامل الناس باحترام وبأخلاق وتقدير وخير. عامل غيرك بأحسن طريقة لأن مفيش فعل كويس مهما كان صغير بيروح على الفاضى. صباح الخير".
بوست عمرو سمير على فيس بوك
كما وجه المذيع الراحل رسالة لوالدته المذيعة ماجدة عاصم، فى يوم عيد الأم، مرفقة بصور تجمعهما تكشف مدى الحب بينهما، وقال فيها: "بفرح جداً لما حد يقولى إنى متربى وعندى أخلاق، لأنك إنتى يا حبيبتى السبب فى ده. حبك وحنانك وتفهمك وعقلك وقلبك اللى قد الدنيا هما السبب فى ده. يا رب أكون إديتك ولو جزء صغير من اللى اديتهولى يا كل الدنيا. بحبك حب عمرى ما هعرف أوصفه. كل سنة وأمهاتكم بخير وبصحة وربنا يخليهم ليكوا لو هما معاكوا ويرحمهم ويجعلهم فى مكان أجمل لو هما معاه، وافتكروا دايماً إن أجمل هدية لأى أم هى إنها تشوف ولادها قلبهم كبير وأخلاقهم طيبة".
رسالة عمرو سمير على فيس بوك
وتوفى مساء اليوم المذيع والممثل الشاب عمرو سمير، إثر أزمة قلبية مفاجئة، عن عمر يناهز 33 عامًا، ولم يتم تحديد موعد لتشييع جثمانه أو العزاء حتى الآن.
