قطر الموت يا طايح
في الخلق شمال ويمين
ع السكة الدم سايح
غير جثث الميتين
راعينا يا قطر حبة
من حادثه تشيلنا نكبه
بالويبة الخيبة راكبه
على كل المسئولين
*/*/*/*/
ليكي باع طويل يا سكة
في الموت وفى الخراب
مع إن الدنيا سالكه
حواليكى ومش سراب
ملكك أرض واسعه
براح نازله وطالعه
وفى اصغر حفرة واقعه
قطاراتك مش راحمين
*/*/*/*/
يا هيئة الخانقة زادت
والناس مابقتش طايقه
الصبر حباله دابت
وقلوبنا فيها حُــرقة
ريحة الموت فــ اسمك
صبح شعار يضمك
وانت ما عاد يهمك
صراخ أو دمع عين
