علقت النجمة زينة، على قرار محكمة استئناف اﻷسرة اليوم الأحد، برفضها للطعن المقدم من الفنان أحمد عز على الحكم الصادر من محكمة أسرة مدينة نصر برفض بطلان حكم ثبوت نسب الطفلين "عز الدين" و"زين الدين" توأم الفنانة زينة له، قائلة أنه خسر نفسه والقضايا.
وكتبت زينه عبر حسابها الشخصى على موقع تبادل الصور "إنستجرام": الحمد لله النهاردة كانت آخر قضية رافعها علينا والحمد لله مايقدرش يرفع اَي قضية تاني، الموضوع اتقفل نهائيا ورفع علينا كل القضايا اللي ممكن تترفع والحمد والشكر لله ربنا كرمنا وخسر كل القضايا.
زينه
وأضافت: نصيحة ليكم إياكم والظلم إياكم والقسم بالكذب كلمة أقسم بالله بالكذب بتهز السموات.
واختتمت زينه كلامها قائلة: "شكرًا الاستاذ الكبير المحترم معتز الدكر المحامي اللي تعب معايا خلاص ارتاح من قلقي والصداع اللي عملته، ومبروك يا استاذ معتز علي قدوم القمر زينة الصغيرة وربنا يكرمك ويخلي زينة وعبدالله كملت مسيرة الاستاذ الكبير محمد الدكر الله يرحمه يارب شكرا الأستاذ عاصم قنديل المحامي الكبير اللي بعتبره واحد من أهلي أنا تعبتك اوي يا أستاذ ربنا يخلي حضرتك، بس الظلم والقسم كدب بينزل غضب ربنا علي أغلي حاجة عند الإنسان.
