نفس أدواتهم المستخدمة فى كليتهم "طب الأسنان" استخدموها خارج مهنة الطب عبر حرفة جديدة باسم "النسخ" وهدفها توثيق لحظات الحب والسعادة بشكل ثلاثى الأبعاد فى تمثال صغير يتم وضعه على أحد أرفف المنزل.
3 طلاب فى كلية طب أسنان جامعة الأزهر عمرهم 22 سنة، من خلال البحث والقراءة وحبهم لكليتهم ومستقبلهم اكتشفوا من خلال الأدوات البسيطة المستخدمة فى علاج التقويم والليزر والزراعة وتركيب الأسنان أنه من الممكن إستخدامها بشكل آخر فى توثيق لحظات ونسخها بصورة طبيعية أو ثلاثية الأبعاد بنفس الادوات.
وفى مكتب بسيط بأحد عقارات شارع حسنين هيكل بمدينة نصر، استطاع الطلاب الثلاثة تأجيره لإستقبال زبائنهم الذيى أتو بعد الإعلان عن فكرتهم على صفحتهم على موقع التواصل الإجتماعى "فيس بوك" سواء اثنين مرتبطين او مخطوبين حابين تخليد ذكرى لمست أيديهم بالدبل فى هيئة تمثال يتذكروها فيما بعد مع أولادهم، أو أم وأب طالبين نسخ بصمة أيد وقدم طفلهم حتى يظهروها له بعد كبر سنه، وتصويره، مع تصوير لقطات نسخ البصمات بالفيديو.
التقت "اليوم السابع" بعبد الرحمن الطوخى أحد الطلاب وصاحب فكرة "النسخ" والتى تحدث عن فكرة مشروعه قائلا: " احنا 3 طلاب فى كلية أسنان جامعة الازهر، وعشان كليتنا والابحاث اللى بتطلب مننا بنضطر نعمل موديل ورسومات للفم والاسنان بأدوات شبيها للصلصال واللى بيتسخدمها الطبيب فى عيادته، ففكرنا إننا ممكن نستخدم نفس المواد بس فى حاجات وافكار تانية خارج الصندوق.
وأضاف "ملقناش احسن من توثيق لحظات الحب سواء ارتباط او عائلة او غيره فى هيئة تمثال، ولما فكرنا فى الفكرة بدءنا البحث عليها عشان نعرف الفكرة دى اتعملت قبل كده ولا لا وفعلا لقناها موجودة فى معظم الدول العربية والاوروبية بس موجودة فى مصر، فبدءنا نقرأ اكتر عنها ونتواصل مع اصحاب الفكرة فى الخارج عشان نقدر نعمل حاجة صح وكويسة".
وتابع عبد الرحمن، "نشرنا الفكرة لكل اصحابنا وقرايبنا وابتدينا بتدشين صفحة على الفي سبوك فى شهر مايو الماضى باسم "instacast" وهو يعبر عن نسخ الحالة التى نعيشها بصورة وقتية أو فى لحظتها يعنى وعملنا إعلانات على الصفحة وفعلا احنا بقالنا حوالى 4 شهور ولكن فى استجابة واعجاب بالفكرة من ناس كتير، ومعظم اللى بيجى مرتبطين ومخطوبين".
واستكمل، " من قريب تواصلنا مع فنانين "نحت" لإضافة بعض اللمسات على شغلنا، وكل اللى بتمناه اننا نقدر نوفر السيولة اللى تخلينا نكبر مشروعنا ونطوره ويستمر تواصلنا مع أصحاب نفس الفكرة فى الدول الخارجية للإستفادة منهم، فضلا عن محاولة تطوير أشكال التمثال من الجبس للسيراميك".
وعن متوسط أسعار نسخ شكل الترابط والحب بالأيد، قال عبد الرحمن: "الخامات اللى بنستخدمها طبيعتها غالية وتحديد السعر بيكون دايما السعر على حسب حجم الأيد أو الرجل يعنى مثلا لو طفل رضيع بيكون حوالى 200 جنيه، ولو طفل فى المدرسة 400 جنيه، ولو شاب او بنت كبار بيكون من 600 لـ 800 جنيه على حسب النسخ اللى هما هيطلبوه لأيديهم.
000
1
2
وتابع، "بعد ما بناخد منهم النسخ بتبعتلهم التمثال بعد يومين أو ثلاثة أيام ديلفرى لحد البيت ومعاه نسخة من الفيديو والصور اللى اتصوروها وهما بيعملو الذكرى".
فيديو لتجسيد احد الأيادى
<iframe src="https://www.facebook.com/plugins/video.php?href=https%3A%2F%2Fwww.facebook.com%2Finstacastegypt%2Fvideos%2F1685050734903456%2F&show_text=0&width=560" width="560" height="315" scrolling="no" frameborder="0" allowTransparency="true" allowFullScreen="true"></iframe>
تم أضافة تعليقك سوف يظهر بعد المراجعة