وليد مصطفى يهدى "عم صلاح" شهادات استثمار تقديرا لشجاعته

فاجأ رجل الأعمال وليد مصطفى المالك لراديو إينرجى العاملين بالإذاعة والمستمعين بالدخول على الهواء ببرنامج "مزنوق فين" للتهنئة بحلول العام الجديد.

وقال مصطفى فى الحلقة التى قدمها أصغر مذيعى المحطة محمد طارق "مررنا بظروف صعبة وعندنا قيادة سياسية حقيقية، وأحب أن أقول للرئيس السيسى ربنا يديك الصحة ويخليك لينا أنت بتعمل كتير ومستحمل كتير وراهنت كتير بداية من 2013 وكل ده من أجل مصر ربنا يخليك لينا وجزيل الشكر للأجهزة الرقابية والأمنية اللى محسسانا بالأمان".

وتابع مصطفى "دائما ما نسمع عند سفرنا للخارج بعد يونيو 2013 جملة أنكم محظوظين بوجود السيسى"، "افتكروا الفرق بين 2012 و2015، كنا فين وبقينا فين وبنحلم نبقى فين، لازم يكون عندنا أمل وتفاؤل وإرادة، عندنا جيش وشرطة وشعب أقوياء جدا وجوانا عزيمة وقوة محدش يقدر يقهرنا إذا اجتمعنا على قولا واحدا والدليل على ذلك ما فعله عم صلاح".

وعن صناعة الإعلام فى مصر والوطن العربى، قال مصطفى إنها صناعة "تقيلة  وأنه لابد من التعامل معها بمنطق الرسالة والصناعة "اللى يتعامل على إنها  سبوبة أو فشخرة أو شو يبقى بيهين الصناعة دى وهيخسر فى الآخر، لكن من يتعامل معها على أنها رسالة وصناعة لها اقتصادياتها ويتعامل بجدية سينجح".

وبشأن الرسالة الأساسية التى ترغب "إينرجى" دائما فى تقديمها لمستمعيها قال مصطفى "البهجة والأمل، إحنا هدفنا ننشر البهجة والطاقة الإيجابية وسط  الشباب، لازم نبعت رسايل إيجابية ونبقى جزء من تغيير أي طاقة سلبية"، وبسؤاله عن أفضل ما حدث له فى 2017 قال على "المستوى العملى كان إطلاق  إينرجى فى أبريل، أما عن المستوى الشخصى هو ما فعله البطل الكبير صلاح الموجى فى حادث كنيسة حلوان".

ووجه وليد مصطفى رسالة إلى بطل حادث كنيسة مارمينا بحلوان "بص يا عم صلاح أنا بقولك إنك شخصية العام السنة دى ربنا يديك الصحة لأنك أصبحت مثلا وقدوة، يكفى إنك قلت إنك كنت بتخدم فى جيش مصر ولما دى روح واحد كان فى الجيش من سنين فاتوا، أمال اللى موجودين دلوقتى عاملين إيه، مانقدرش نمشى فى الشارع من غير تأمينهم وحمايتهم".

وتابع "بدعوك إنك تيجى المحطة لتكريمك واتفقت مع إحدى شركات التأمين وهنعمل 3 شهادات استثمار لولادك مصطفى ونسمة وفاطمة" بمبلغ مناسب يليق  بمكانتك لدى المصريين.