فين زمن القلب الطيب ومين دلوقتى بيشترى
حتى القريب مبقاش قريب وبقه أول واحد يفترى
سوق الندالة كبر والندل طبعه جبان
أصله من يوم ما اتولد وساكن فى قلبه شيطان
الحب يا ناس أنتنى وحنى فى ظهر الخير
كأنه عجوز مئة سنة وبقه مالوش تأثير
مش لاقى نفسى هنا وحاسس بتوهان
عايش بطولى أنا فى واحة الإنسان
والغلطة غلطة بشر مابيننا مافكروش
مهما هزمهم قدر برده مابيفهموش
بيشوفوا الموت يزعلوا والزعل كبيرة يومين
لا بقوا بيتأثروا ولا حتى كمان خايفين
الفجوة عمالة تكبر وبقينا خلاص وحشين
الخير بطَل يكَبَر والعقل غاوية شياطين
وادينى عايش بعافر وأقاوم جرح السنين
بس الظلم كافر وشياطينه مش سهلين
انقلبت المعانى والقلب عايش يعانى
كثرة البُكى خلانى ميت من سنين
وجعانى أوى جروحى، خلتنى أهرب بروحى
و بقيت أنا وهى والوحدة متصاحبين
لا بقيت أفكر فى بكره ولا حتى فى أى فكره
و القلب ابتدى يكره واحة البنى آدمين
