شاهد.. رسائل السيسي للمصريين فى جلسة "اسأل الرئيس"

ينشر "اليوم السابع" فيديو الكلمة الكاملة للرئيس عبد الفتاح السيسى، فى جلسة إسأل الرئيس، وذلك فى فعاليات مؤتمر حكاية وطن.

وقال السيسى، فى جلسة "اسأل الرئيس" ضمن مؤتمر "حكاية وطن" موجهاً حديثه لـ"المصريين": "ليه قلقانين إننا منستمرش على طريقنا فى التخطيط، يا إما انتوا متشككين فى التخطيط، يا إما انتوا متشككين فى القادم، هل التخطيط اللى موجود دلوقتى لـ 2030 فيه تخطيط ممكن يتحط لأفضل منه هل إنتوا متخيلين إنكم ممكن تدوا صوتكم لأى حد".

وتابع: "تخيروا واختاروا وخليكوا حريصين جداً جدا فى اختياركم، لا تعطوا صوتكم إلا لمن ترونه يستحق أنه يتولى أمركم".

وأردف الرئيس، خلال جلسة الإجابة على أسئلة اسأل الرئيس، بمؤتمر حكاية وطن: "أنا مش رئيس أنا إنسان زيكم جيتوا قولتوله تعالى خلى بالك، فيه إنسان كده.. آه فيه، لكن بعد كده لازم تختاروا كويس أوى إنتوا هتسلموه مستقبلكم ومستقبل أبناءكم".

وواصل: "أنا أكتر رئيس اتكلم مع شعبه فى الموضوعات المختلفة، كان ممكن الإعلام يقوم بالدور ده أو المسجد أو المدرسة، هل مصر متستحقش منك يا مصرى تقعد 10 أيام عشان تفكر وتختار، هل متستحقش منك توقف يومين فى الشارع عشان تختار، اختاروا جيدا بدل ما تقولوا اللى جاى هيعمل ايه، اللى جاء هيعمل بناء على اختيارتكم".

واستطرد: "أنا لو أقدر أمنع الفاسد إنه يتولى أمركم كنت منعته، وأنا عارف الفاسد مين، عارفهم كويس، لكن لأمانة المسؤولية اللى هيقرب من الفاسدين من الكرسى ده يحذر منى، أنا مش هبقى حكر عليكم، لكن فيه ناس لن أسمح لهم بالاقتراب من الكرسى ده".

وأضاف: "يبقى أنا عارف إنه كان حرامى وفاسد وأسيبه ربنا يحاسبنى، مش انتوا اللى تحاسبونى، لكن ناس أفاضل تختاروا منهم ربنا يا رب يوفقهم، مصر أعز وأشرف وأكبر من أن يتولاها ناس فاسدين".