كشف الفنان محمد إمام، عن كواليس مشهد، من أصعب المشاهد التى صورها خلال فيلمه الأخير، مع الفنانة ياسمين صبرى.
وقال إمام: "من أصعب المشاهد اللى صورتها أنا و ياسمين صبرى بنجرى بالبيجامة والروب على كوبري قصر النيل يوم الخميس بالليل، اللى أول مرة تعرفوه، إن واحنا بنجرى ياسمين وقعت منى فى وسط الكوبرى وقعدت تعيط على الأرض، لأن كان عندها أصلاً رباط صليبى والناس ابتدت تتلم علينا جامد، وأنا قاعد بهدى فيها وأسلم على الناس فى نفس الوقت".
وتابع: "لحد ما عربية الإنتاج جت بسرعة وركبنا فيها ومشيت وأنا من كتر اللهوجه نسيت أركب معاهم، وفجأة لقيت نفسى واقف لوحدى بالروب وحافى فى وسط أمة لا إله إلا الله وعاوزين كلهم يتصورا معايا أو اتصورا خلاص والدنيا اتقلبت وأنا مش لاقى ولا حد من التصوير، لحد ما لقيت واحد صاحبى معدى بالصدفة بعربيته ولحقنى، وفى نفس الوقت طقم التصوير بيدورا عليا ومش عارفين أنا فين، كان يوم صعب بس عدي على خير الحمد لله والمشهد طلع لطيف جداً".
تم أضافة تعليقك سوف يظهر بعد المراجعة