أعرب الفنان تامر حسنى، عن سعادته بتحقيق فيلم "البدلة" لإيرادات استثنائية تحدث لأول مرة فى السينما المصرية والعربية، مؤكدًا أن الفرحة ليست بالإيرادات بل بالإجماع شعبى جماهيرى على الذهاب للفيلم والإشادة به.
وقال حسنى: "مساء الورد على أغلى ناس، فى الحقيقة مش بحب أتكلم عن أرقام إيرادات أفلامى، بس سامحونى المرة دى، مضطر أتكلم وبتكلم وأنا فرحان من كل قلبى، النهاردة فيلم البدلة حقق رقما استثنائيا أول مرة يحصل، حقق أعلى رقم فى تاريخ السينما المصرية والعربية داخل مصر وخارجها، فكان لازم أفرح ونفرح مع بعض وكان لازم التاريخ يشهد على التحقيق ده عشان كان حلما من أحلامى لأنى فى الأصل مطرب".
وتابع حسنى: "كانت أمنيتى أحقق ده فى السينما ومش فكرة إيراد قد ما هو إجماع شعبى جماهيرى على الذهاب للفيلم والإشادة به، وثانياً لأنه فكرتى، وطبعاً ده نجاح كل فريق العمل المحترم والروح الجميلة الطيبة اللى كانت بينا هى السبب فى ده، فرحتى الثانية لأن السنة دى ألبوم عيش بشوقك حقق أعلى مبيعات، الحمد لله".
وأضح حسنى: "أما عن فرحة عمرى الكبيرة بالنسبة ليا إن 2018 السنة اللى شفت فيها ابنى (آدم)، ربنا يحفظه ويجعله ظهر وسند لأخواته ويحميكم ويسعدكم انتم وأخواتكم و أولادكم وآبائكم.. شكرًا".
تامر حسنى
فيلم "البدلة" من سيناريو وحوار أيمن بهجت قمر، إخراج ماندو العدل، قصة وبطولة تامر حسنى، بمشاركة أكرم حسنى، أمينة خليل، ماجد المصرى، دلال عبد العزيز، محمود البزاوى، حسن حسنى، طاهر أبو ليلة، محمد سراج، وضيوف الشرف حسن الرداد وإيمى سمير غانم وأحمد زاهر وأحمد شوبير ومجدى عبد الغنى وتامر أمين.
تم أضافة تعليقك سوف يظهر بعد المراجعة