أنا عايش واقع مش هوه
أنا بره الدنيا أو جوه
أنا يمكن عادى أكون بحلم
ولا حول ليا ولا قوة
علمت طريقى بعلامة
ورجعت لقيت علامات ياما
وصرخت أنا فين وطريقى منين
أتارينى دخلت فى دوامة
وكأنى دخلت ف غيبوبة
والعقل يغيب كده 100 نوبة
أنا لما بفوق من ألمى وأروق
أنا بلقى الصورة مقلوبة
أنا تايه غرقان ف التوهة
وبنيت أحلام ليه هدوها
وازى انا أعيش تانى فالدنيا
من بعد ما أحبابى فاتوها
فى الحظ تملى أنا منحوس
أو يمكن فعلا ده كابوس
أو يمكن حد بيأذينى
وبجنى سحرنى و ممسوس
فى عنيا ضباب ويا غيوم
ولا شايف شمس ولا نجوم
تقريبا مش فاهم حاجه
ولا فاكر عدى كام يوم
ولأن ده طبع فى أيامى
فطبيعى ما أحسش بألامى
لو يوم فكرت أنام وأرتاح
تظهر أوجاعى فى أحلامى
طموحاتى بتصرخ ف ودانى
إتقدم دا العمر ثوانى
واهو مر سنين ولقتنى حزين
وحدانى و واقف فى مكانى
