"كلام ستات" يطرح سؤال: "إيه الأحسن.. الطلاق أم الانفصال تحت سقف واحد؟

طرح برنامج "كلام ستات"، الذى تقدمه الإعلامية شريهان أبو الحسن، والفنانات نهال عنبر وهايدى كرم وندى رحمى، سؤال فى فقرة "عكس عكاس" عن إيه الأحسن. الطلاق والانفصال تحت سقف واحد؟

علقت الفنانة هيدى كرم قائلة: " لو فيه تعدى عليها بالإهانة بطريقة غير مهذبة أو لو هية جاية على نفسها أكتر من اللازم جاى على أعصابها لازم يطلقوا .. ولو دا مش موجود يهمنى أنهم يكملوا".

وعلقت شيريهان أبو الحسن، قائلة :" لو العيشة استحالت ما بين الزوج والزوجة لابد من الانفصال المحترم بين الطرفين وهذا يعد أهم وأعمق بكتر جدا.. ولكن أنهم يعيشوا فى بيت واحد وهما مش حابين بعض الأطفال هيكبروا وهيسألوا هو فيه إيه وهذا الوقت يسبب مشكلة للأطفال".

وعلقت الفنانة ندى رحمى، قائلة: "الست متعرفش تعيش مع راجل فى بيت واحد لا طبعا.. السي لو اطلقت بشكل محترم وحافظت على العلاقة المحترم مع اب أولادها الأطفال هتتربى كويس".

فيما علقت الفنانة نهال عنبر قائلة: "الأب يبقى موجود فى البيت.. لو العلاقة مفهاش إهانة وخناقات لو هينفصل بهدوء وشياكة ويحترم حرية الآخر ويبقوا فى بيت واحد علشان خاطر الأطفال".