السرة من أبرز المناطق الحساسة عند الأطفال حديثى الولادة، ويجب أن تتعامل معها الأمهات بطريقة نظيفة، وأن تكون حريصة عند تغيير ملابس الطفل حتى لا تؤذيها.
وضمن سلسلة موضوعات سنة أولى أمومة يقدم "اليوم السابع" نصائح للتعامل مع سرة الطفل حديثى الولادة وفقا لما قاله الدكتور تامر محروس استشارى الأطفال وحديثى الولادة وهى:
1ـ أول حاجة لازم تكونى متأكدة أن "كلبس السرة" مربوط كويس علشان متعرضيش طفلك للخطر."
2ـ لازم تخلى بالك وإنتى بتغيرى للبيبى الحفاضة أو ملابسه الداخلية وابعدى عن منطقة السرة علشان متعرضيهاش للنزيف.
3ـ حافظى على نظافة السرة من خلال التعقيم المستمر بالكحول ثلاث مرات فى اليوم.
4ـ حاولى تعرضى السرة للهواء علشان تنشف بسرعة والجرح يلم.
5ـ لو لاحظتى أى إفرازات فى السرة أو ريحة مش لطيفة لازم تستشيرى الطبيب فورا .
