وجه مختار مختار، المدير الفنى للإنتاج الحربى، نصيحة لعبد الله السعيد، صانع ألعاب الأهلى والفراعنة، والذى وصفه بأفضل لاعب فى مصر، طالبه خلالها بتمديد تعاقده مع القلعة الحمراء وإغلاق ملف الرحيل.
وقال مختار مختار، فى حواره مع "اليوم السابع"، "عبد الله السعيد لاعب عاقل وموزون، ولازم يعرف إنه لازم يكمل فى الأهلى عشان مصلحته، ولازم يجدد، والعرض الذى قدمه الأهلى مناسب جدا".
وأضاف المدير الفنى للإنتاج الحربى، "نصيحتى لعبد الله بلاش تحترف، الأهلى مقدملك عرض كويس مادياً، ومعاك فرقة بتخدم عليك، لو مشيت هيتأثر مستواك وهتندم".
