أشاد الفنان شريف منير بانطلاق العملية الشاملة سيناء 2018، التى أعلنتها القيادة العامة للقوات المسلحة تنفيذا لتوجيهات الرئيس عبد الفتاح السيسى رئيس الجمهورية، بالقضاء على الإرهاب والجماعات التكفيرية خلال 3 أشهر، متوجها بالدعاء والتوفيق للقوات المسلحة.
وكتب شريف منير، عبر حسابه على موقع التواصل الاجتماعى فيس بوك، "الشغل بدأ.. اللى فات حمادة واللى جاى حمادة تانى خالص.. أقفوا جنب جيش مصر.. بالدعاء بالنصر.. بالتوسل لربنا يحفظ ولادنا وإخوتنا يرجعوا سالمين غانمين بإذن الله".
وأضاف "لازم الأيام الجاية يبقى فى جدية فى كل خطوة بنخطيها.. اللى ضميره نايم يصحى.. واللى مكسّـل ينشط.. واللى يسمع صوت فيه إحباط وقتل للعزيمة.. يا يفوق.. يا يخرس وما يتسمعش حسّه.. واللى بيشوف محطات الخونة اللى بيهجموا مصر من بلاد هما خدّامين وعبيد ليها.. يقفلها وما يسمعلهومش.. ولازم يبقوا عارفين إن كلامهم مالوش أى تأثير.. كلام فارغ.. هوا".
وتابع "وهما جايين.. جايين.. وبقولهم.. إن غداً لناظره قريب فوق ما تتخيلوا.. ناموا واحلموا بكابوس اليوم اللى هتيجوا فيه للبلد اللى أهنتوها وأهنتوا شعبها الوطنى المحترم.. وتحيا مصر ويحيا جيشها وشعبها".
شريف منير
