قالولك بره أحسنلك
وسيب ناسك و سيب أهلك
و سيب أرضك و سيب أمك
و سيب الحضن اللى بيضمك
عشان سفريه كات لقطه
و شوفتك حابب الفرصه
و كنت أنده تقول سيبنى
و أقول يا ابنى
ماهيش ناقصه
و لو هنعيشها و بدقه
و قولت بلدى كات أولى
و اسمع منى راح تهدا
و سبح باسمه الأعلى
و سيبك من بلاد بره
سواء سفرية كات كوريا
و الا إيطاليا
و الا أوروبا
و الا ف روسيا
و أنا بلدى أم للدنيا
عاشت حرة
و بالمرة
فى قرآنا
تلاقيها
بيذكرها
وكرمها
فبلاش يا ابنى تهجرها
تسيب خيرها
تشوف غيرها
و تعمل حجتك دنيا
و تجرى تشد ف حبالها
يعدى العمر و بتكبر
و مهما تلم ف أموالها
دى موالها
ماراح يقدر
يرجع شعرك الشايب
يرجع عمرك الغايب
و أنا يا ابنى منيش حابب
ف يوم ما تحب ترجعها
عشان جاى تودعها
