صورة لسيدة تحمل زوجها على ظهرها التقطها أحد رواد مترو الأنفاق فى محطة المطرية ورفعها على حسابه بموقع التواصل الاجتماعى، الأمر الذى لقى ردود فعل كبيرة، "اليوم السابع" بحث عن السيدة ليحكى قصتها للرأى العام وتوصل إليها فى شقة بالدور الثالث فى العزبة البيضاء بالمرج الجديدة.
الصورة المتداولة عبر مواقع التواصل
هبة رجب السيد ربة منزل، 32 عاما، متزوجة من خالد البدوى محمود 37 سنة، كان يعمل سائق سيارة ربع نقل فى الموقف العشوائى بالجزيرة البيضاء فى المرج الجديدة كان يعمل بلا رخصة أو تأمين، وأمه وأخيه وأولادها الثلاثة أبناء أخو زوجها المتوفى.
هبة تحمل زوجها على ظهرها منذ 6 سنوات للمستشفى ذهابا وإيابا
تقول هبة: "زوجى مصاب بفشل كلوى وفيروس بى وتضخم فى الكبد وهشاشة فى العظام وضعف فى عضلة القلب، كان تعبان من 2012 ولكنه بدأ جلسات الغسيل الكلوى والعلاج فى شهر واحد 2013، من وقتها كل يوم كنت بشيله أوديه مستشفى الحياة فى الجبل الأصفر وأرجع البيت اعمل أكل للأولاد وبعدين أروحله يكون خد الجلسة وارجع بيه على البيت".
هبة تحمل زوجها فى الشارع بالمرج
هبة تحمل زوجها من التوكتوك
هبة: نعيش فى شقة مشتركة أنا وحماتى وأخو زوجى العازب و6 أطفال
تضيف: "إحنا عايشين فى شقة بتاع والد زوجى أنا وزوجى وحماتى وأخو زوجى "عازب" وأولادى 3 أصغرهم رقية 3 سنوات ومصطفى 9 سنوات وصباح 13 سنة ، مصطفى فى تانية ابتدائى وصباح فى الصف السادس ورقية لسه فى الحضانة، أنا مهتمة جدا بتعليمهم، ده بالإضافة إلى 3 أطفال كمان أولاد أخو زوجى المتوفى تركتهم والدتهم واتجوزت وسابتهم عندى، أنا ما بفرقهمش عن ولادى، وهما كمان بيقولولى يا ماما".
السيدة تحمل زوجها بتلك الطريقة 6 سنوات كاملة
- أسرة هبة معاشها بـ450 جنيها
تكمل الزوجة مأساتها: "كل دخل الأسرة 450 جنيها معاش من الشئون الاجتماعية وكمان فى ناس من أهل الخير بيدونا فلوس والجامع اللى جبنا بيدينا كل شهر 100 جنيه، يعنى بيجيلنا كل شهر من أهل الخير حوالى 390 جنيها، وممكن شنطة أكل وملابس كل فترة".
- هبة نظرات ناس بتجرحنا وأخرى تواسينا
سألنا هبة عن نظرة الناس إليها وهى تحمل زوجها، وهل تتعرض لمضايقات خلال رحلتها مع زوجها إلى المستشفى وعودتها، فقالت: "أنا بركب المترو وأنا شايلة جوزى الناس بتفتكرنى داخلة أشحت عليه أو محتاجة حاجة، حتى ما حدش بيرضى يقوم لينا ولما بتعب بصرخ فيهم وأقولهم: حد يقوم للراجل التعبان ده بيغسل كلى الناس بتقوم على طول بس فى ناس بتبصلنا نظرات بتجرحنا وفى ناس تانية بتقولى ربنا يقويكى يا رب وتدعيله بالشفا".
- الزوج: أمى حملتنى 9 شهور جنين ومراتى شالتنى 6 سنوات مريض
الزوج يخرج عن صمته، قائلا: "مراتى هى كل اللى ليا فى الدنيا مهما قلت عنها مش هوفيها حقها إن كانت أمى شالتنى فى بطنها 9 شهور هى شالتنى على ظهرها 6 سنوات مش أنا بس أنا وأولادى وأولاد أخويا ربنا يكرمها علشاننا".
وتابع الزوج قائلا: "أوعى تكون فاكرها سليمة دى عندها صديد على الكلى وضغط وتليف فى الأعصاب، أنا نفسى أخف واريحها، وأشيل عنها الحمل واعوضها كل اللى عانيته معايا ومع أولادى".
للتواصل مع الحالة 01200921174
أشعة
أكوام من التقارير الطبية
قرار علاج
محرر اليوم السابع مع هبة وزوجها
هبة تحمل زوجها داخل المنزل فى طريقها للحمام
هبة تصعد بزوجها إلى الشقة
هبة تعطى لأبنائها المصروف بعد عودتها من المستشفى
عدد الردود 0
بواسطة:
على
اللهم اشفى كل مريض
محتاج العنوان والتليفون
عدد الردود 0
بواسطة:
ahmed
نداء الى اليوم السابع
الى السادة محررى اليوم السابع: فضلا وليس امرا عندما يتم عرض حالات كهذه على صفحات جريدتكم الموقرة برجاء وضع رقم تليفون او اى وسيلة يستطيع من خلالها من يريد ان يفعل الخير ان يقدم يد العون لهذه الاسرة ويساعدهم بما يستطيع ولكم جزيل الشكر
عدد الردود 0
بواسطة:
منين نجيب الصبر
كسرتى القلب ومزقتية أربا أربا يا ست هبة ومثل حالتك موجودة بالألاف--طب نظرة عطف واكتبى رقم تليفونك
نعم رقم تليفونك او عنوانك أو أى وسيلة أتصال --وأسم أى أدوية محتاجها زوجك --ونداء الى اليوم السابع نرجوا بعد التاكد من هذة الحالات كتابة أى وسيلة تواصل معها للمساعدة قدر الامكان--والله عجزت ياست هبة عن وصفك ولا تسعفتى اللغة فى ايجاد صفة لهذا الوصف --الا ان اكتب لو كان للأصول ناسها فأنت أساسها أصيلة والله يا عزيزتى أى والله عزيزة وأصيلة--أحزنتى القلب وأدمعتية قبل العين--كذلك الصورة الأخيرة وانت تعطين المصروف لأبنتك--فنظرة الأب وبحسرة الى أبنتة وهى تأخذ المصروف منك --لا منة لضيق ذات اليد وعجزة --تجعل الجبال تبكى وبحرقة على مدى قسوة الايام وكسر ظهر الرجل ويعجز اى فنان أن يعيد رسمها أو تصويرها --فمن صورها يستحق عليها جائزة أحسن صورة للبؤس والحزن وعتاب الزمن--لكن ومع هذا كونى مؤمنة بأن المولى سيسخر لك فاعلى الخير لمساعدتكم--والله العظيم والله العظيم صورة زوجك الاخيرة دى ستظل عالقة بذهنى مدى الحياة وعليها مش عارف منين نجيب الصبر
عدد الردود 0
بواسطة:
عايده
هل يوجد أعظم وأحلي من هذا
أنها المرأه...الحنينة ..الصبورة.. القوية.. المحبة.. الجدعة.. العطوفة ..الرحيمة ..اللهم بارك لكي في صحتك و عافيتك ...
عدد الردود 0
بواسطة:
mahmoud
انظروا الى الصورة رقم 6 وعزة جلالة الله لم التفت اليها الا الان وانا ابحث عن وسيلة التواصل معهم
الصورة وبكل معانيها جسدت كل ما تريد الزوجة قولة وكذلك الزوج --ولسان حالها يقول--كفاية يازمن قسوة وياترى مخبى لينا اية تانى--لم يعد فيا حيل والالام هدانى--وراضية أنا بالمقسوم ومع جوزى اللقمة تحلالى-----ولية لاء وهو حبيبى و ابو عيالى--عمرى ابدا ما هندم معاة على افعالى--انا بس عاوزة يخف العزيز الغالى--والله يا زمن اللقمة مع دموعة ما بتهنالى--كفاية يازمة كفاية فرحنا بقى يوم والسعادة هتهالى --ومنين نجيب الصبر على احوالى
عدد الردود 0
بواسطة:
محمود البحر
والله لقد ابكيتنى
ايتها السيده العظيمه ما كل هذا الحنان و الصبر والوفاء وتحمل ما لم يستطع تحمله الرجال اخوة زوجك....ربنا يبارك فيك ويشفى زوجك ويعوضك فى اولادك .
عدد الردود 0
بواسطة:
مهندس
اقتراح
شفى الله كل مريض .. اقترح بتبرع مالى يتم تجميعة عن طريق ادارة الجريدة وشراء توك توك يعمل علية اخو الزوج الاعزب منها يساهم فى مصاريف البيت ..ومنها يوصل الحالة الى المستشفى .. وجزا الله كل متبرع خيرا
عدد الردود 0
بواسطة:
واحد
لقد ابكتينى
لا حول ولا قوة الا بالله - فعلا لقد ابكتنى فى خضم عالم ملئ بالصراعات وتنافسات على سلطه واخوان وقتلى وعاطلين ومرضى تظهر مثل ضوء نجم فى ظلام الليل امل يهتدى بيه - ان فى ذلك لذكرى لمن كان له قلب او القى السمع وهو شهيد
عدد الردود 0
بواسطة:
أبو العريف
القلوب الرحيمة
سيدة عظيمة وغيرها فى كتير لازم تليفون واتوقع عشرات من اصحاب الخير هيتبرعوا ليها مصر بلد عظيمة جدا
عدد الردود 0
بواسطة:
Mohammed
للتواصل مع الحالة 01200921174
للتواصل مع الحالة 01200921174