مبرووووك.. مبدئياً، علشان ماحدش يقول زعلانين على صعود فريق المستقبل.. ماشى.. لكن!
دعونا نفكر سريعًا فى مصير «الصناعة» الكروية!
طيب ليه!
نقول لحضراتكم!
البداية.. قالك: علشان يعترف العالم الكروى بحضرتنا لابد يكون عندنا فرق محترفة.. فاكرين!
ماشى كده.. طيب محترفين إزاى!
قالك: عندهم دخل مالى وأرباح.. آه.. أرباح!
تيجى منين!
قالك برضه: أولًا.. تذاكر المباريات.. واضحة دى!
قالك كمان: «السوفونير».. والمقصود بها الآتى: تى شيرتان + كوفيات + أعلام النادى + «المج» كوب يعنى ثم.. ثم... إلخ!
ده ثانيًا طبعًا!
● يا حضرات.. ثالثًا: البث التليفزيونى + رابعًا الإعلان والحقوق على الـتى شيرت والشورت والشراب وكله.. كله!
أظن قربنا نوصل.. بس فين!
هل.. يمكن لأى أربعة أشخاص من حضراتكم أن يدفعوا ثمن تذاكر «4» لحضور مباراة المستقبل وبتروجيت أو أى فرق شركات.. والنبى الإجابة بصدق!
● يا حضرات.. هل.. يمكن لأى 5 أو 56 شخصا أن يشتروا لأولادهم تى شيرتات ومجات «كوبيات» وكوفيات وحاجات لأولادهم!
آه.. لو اشتروا.. هل الأولاد هيهتموا!
بلاها الأولاد.. حاول تدخل على المدام ومعك «ماجين» كوبان للنسكافيه.. وعليهما شعار إخواننا أندية الشركات.. هل ستهتم بشرب النسكافيه.. من أساسه!
● يا حضرات.. إيه رأيكم.. هل سيدفع الناقل التليفزيونى نفس المبلغ فى مباريات تلك الفرق كما يدفع للأندية الشعبية.. حتى لو كانت فى مؤخرة الجدول!
أقسم بالله ما هيحصل!
طيب.. هل هناك معلن عن سلعة سيضع على تى شيرتات وشورتات تلك الأندية منتجاته.. اللهم إلا.. لأنها تلعب أحيانًا مع أندية شعبية!
الإجابة.. أقسم بالله ما هيحصل!
● يا حضرات.. بعيدًا عن كل ده.. هل ستلعب تلك الأندية مع بعضها فى حضور جماهيرها!
الإجابة.. أقسم بالله 40 إلى 50 فردا محترفين معهم عهدة طبول ودفوف وكده!
بالذمة.. ولابد نذمم الكل.. ده ينفع!
● يا حضرات.. إذن.. فليكن ما يكون!
ما نحتاجه.. هو إرادة الدولة!
نعم إرادة الدولة.. ولو.. دولة الرياضة فقط!
ليه!
تدفع نحو شراكة بين الشركات والشعبيات.. إزاى!
ببساطة.. لأن لنا عودة.. تخيلوا أن نجوم المستقبل لديه ناشئون إلى سن «12» سنة ويشارك فريق جماهيرى زى الترسانة!
إزاى الحال.. جماهير + فرص عمل ودخل ولا فلوس وبدون جماهير!
طيب منين ولمصلحة مين!
لنا عودة فى ملف أندية بدون جماهير.. تلعب ليه!
تم أضافة تعليقك سوف يظهر بعد المراجعة