فى عز الحر والهنجارة
ناس شقيانة
طافحه الكوتة دايقة المر
علينا ايام صعيبة تمر
بنتنشق على يومية فضل ونعمة لو مية
نبيت عليها من بالليل ونصحالها قريب الفجر
نشيل ع الكتف قروانة
ونرمى نصب خرسانة
ونفضل عاله دى الحالة سنين طوال.. ويفنى العمر
أيدينا بايشة م المونة
ليه يابلدنا ترمونا وتسقونا فايرة الميه بالرترات
ياطايفة تملى مظلومة
خط الفقر معدومة كتافنا تملى مكشوفة
واكله الدنيا منها رقات
فى عز الحر قيالة
تشوفها هدومنا مبلولة
تشوفها هدومنا عرقانة
تملى الدنيا وعيالنا ادوبها اللقمة لعيالنا
تخنق فينا بدراعها وتعصر عصر
فى عز الحر
ناكل اللقمة ندارا نفرش فرشة بشكارة
تدراينا حيطان الصبر
طافحه الكوتة شقيانة
أجنة شاكوش نحاته فى عمود خرسان
علم بيت المسمار
ياطايفة تملى مظلومة رغم الهامة مرفوعة
يا طايفة ياا اسمك المعمار
شايلة بلدنا بتعلى
شاهده ونقطة من عرقى نازله وبلت الطوبة
فى عز الحر طافحة الكوته شقيانة
ليه بتسدوا بى خانة
وناس في بلدنا مرتاحة
كلاب ع القرش نباحه بتهبر هبر
فى عز الحر والهنجارة
ناس شقيانة طافحة الكوتة دايقة المر
عدد الردود 0
بواسطة:
مش مهم.
أوافقك الرأي و بشدة!
و أدعو لتكريم عمال البناء فهم الأبطال المجهولين في معركة البناء و التنمية.