السيسي بمؤتمر الشباب: اللوم فى الانتخابات على اللى بخل بصوته مش اللى كسب - صور

أكد الرئيس عبد الفتاح السيسى، أن التزايد والتنافس فى العملية السياسية فى مصر خلال آخر 10 سنوات يؤكد أن الحياة السياسية فى مصر شديدة التسارع، قائلا "فى الانتخابات الرئاسية قبل ذلك كان بيبقى استفتاء فى البرلمان وده كان المنهج والمسار الموجود، وبعد كده بقى فى انتخابات بشكل أو آخر من 2005، ثم بعد كده بقى فى انتخابات ثانية من 2012 والشعب بقى بينزل ويختار".

وأضاف الرئيس السيسى فى كلمته بجلسة نقاشية عن تفعيل الحياة الحزبية والمشاركة السياسية، "اللى بينجح فى الانتخابات هو اللى بيحكم وهذه الكلمة قيلت من حزب فى دولة أخرى وده يؤكد أنه بغض النظر عن رضا الناس من عدمه، اللى تخلف عن النزول وترتب على التخلف تقدم وبروز حزب قد لا يرضى عنه الناس لا يلوم الحزب أو الرئيس اللى كسب ولكن يلوم الناس التى بخلت على نفسها وبلدها بيوم أو ساعتين تقف عشان تقول أنا هحط صوتى عشان ضميرى يبقى مرتاح".