قالوا الضمير مالنا ورأسمالنا
قلنا يا ناس فينه دا هو اللى غيرنا
ايه اللى جرى لنا يا ناس وايه اللى بدلنا
وليه سيبنا للشيطان نفوسنا يقسمها
بين الغلط والصح فى حلقة مفقودة
وبين الألم والجرح حياتنا ممدودة
ناس بتصرخ آه وعلى الطيبة محسودة
علم فيها الألم وطرقها مسدودة
وناس عايشة حياتها عبدة ومعبودة
بتدفع نفوسها التمن وأفكارها محدودة
يارب أنت الأمل وهداك بذور الخير
الغش مش محتمل ومشتاقين لضمير
يهدينا ويزرع أمل يحببنا فى فعل الخير
ينقى قلوبنا بعمل يكون شعاره ضمير
تم أضافة تعليقك سوف يظهر بعد المراجعة