وزير التعليم: نصف المتظاهرين أمام الوزارة ليس لديهم أبناء.. إحنا بنصلح القرف

عدد الردود 0

سيادة الوزير حضرتك رجل محترم

فعلا سيادة الوزير حضرتك رجل محترم وخبير علمي تربوي. النظام الي حضرتك عايز تعمله فعلا أن شاء الله ها يغير شكل ومخرجات التعليم الفاشل الي عندنا دا. انا بشكر حضرتك جدا. ياريت كل الوزراء يكون عندهم فكر التطوير زي حضرتك.

عدد الردود 0

تصريح مستفز من معالى الوزير....مستندا لنظريه المؤامره

😎😎

عدد الردود 0

المنظومة التعليمية

ياناس دة وزير تعليم بجد ومخطط بارع والله العالم هيذكرة فى كتب تدريس التربية بأسم (شوقى المنظومة التعليمية)

عدد الردود 0

وفقك الله سيادة الوزير

سيبك منهم هما يعني كانوا خبراء علشان يفتوا وبعدين إن شاء الله حضرتك هتكون زي خالد حنفي وتغير التعليم للأفضل دا الطالب بيبقى في ٥ابتدائي ومش عارف يعرب جملة نحوية بسيطة

عدد الردود 0

انت متكبر ليه على الناس والفاظك لا تليق بوزير .... بناقص منظومتك

فوق

عدد الردود 0

المساندة

عندك حق العيال طالعة مبتعرفش تكتب عربي وبتكتب أرقام التليفونات بالإنجليزي ومن الشمال لليمين

عدد الردود 0

وزير تربية ام وزير شرطة

عنتر شايل سيفه لايحب النقد البناء مغرور الي يوم القيامة منين عرفت ان نصفهم ليس لهم اولاد في التعليم طيب والنصف التاني ايه رايك فيه يا رايح كتر من الفضايح

عدد الردود 0

النتيجة معروفة

احنا قاعدين ندن فى مالطة يا سيادة الوزير اصلا انت مش راجل سياسى اول ما ييجى حد يخالفك او ينتقدك نجدك بتخون الناس و و مش عارف اية . التطوير محتاج عنصر بشرى يؤمن بالفكر الجديد و ينجحه و هو المعلم و المعلم كحيان و غلبان و مش لاقى يأكل ولاده هيطور ازاى ؟ المدرسين اليوم سواق تكوتوك يا فلاح بعد الظهر يا شغال فى اي مكان علشان يكفى حياته وولاده . و الوزير قاعد بيقول تطوير . انا مدرس و الحل عندى بسيط زبط حال المعلم و المناهج اصلا متطورة و مش محتاجة و بعد كده حاسب المعلم ودربه و جهزه بس يا رجل قل اللى هيخلصك من ربنا عند السؤال بالله عليك معلم من 23 سنه و مرتبه 2150 جنيه هيعملوا ايه ؟ الاسعار نار و الحال زفت و تقول تطوير . تعال شوف المدارس و الامتحانات و الغش و المصائب اللى بتحصل ممن الاخر مفيش فايده سنظل هكذا الى الابد .سلام

عدد الردود 0

لما تلغى مدارس اللغات الحكومى وتبقى عليه بالخاص. اذا ده اسمه رجوع للخلف مش للامام

يعنى بدل من تحول كل مدارسك الحكومية الى مدارس لغات. بتحول اللغات الى عادى وتقتصر اللغات الى المدارس الخاصة فقط. يبقى انت متفق مع الخاص على كده. يبقى حضرتك بترجع للخلف يبقى حضرتك بتقطع الطريق امام عامة الشعب للتعليم كما يتمنوا. يبقى حضرتك بترجع بينا عشرين سنة للوراء لما كنا بنشوف الانجليزى فى اعدادى ويدوب بنحفظ ABC ويبقى كل اب دخل ابنه لغات حكومى وضيع عليه سنة من عمره علشان يلتحق وعمره 6 سنوات باولى ابتدائى يندم طول عمره. نداء الى نواب الشعب نداء للرئيس ارحمونا من اهواء هذا المتعجرف ولا يحترم اى مواطن

عدد الردود 0

ربنا يعينك على انهاء فساد المعلمين وتطهير التعليم من المرتذقة

المدرسين هرونا دروس خصوصية لما كرهونا في التعليم بجد بيتفننوا في اخذ الفلوس من اولياء الأمور وكمان فيه مدرسين لسة متأثرين بالأخوان وبيدوا دروس في الأنتماء للاخوان وأحنا ندعلهم فلوس على كدا.. بجدا ربنا يعينك على تطهير التعليم من المرتذقة