احيا المنتج والفنان محمد محمود عبد العزيز، ذكرى ميلاد والده الفنان الراحل محمود عبد العزيز، والتى تحل غدا فى 4 يونيو، متمنياً أن يكون فى حسن ظنه، مطالبا جمهوره الدعاء له.
وكتب محمد محمود عبد العزيز، عبر حسابه على موقع التغريدات القصيرة تويتر:" ٤-٦-١٩٤٦ هو يوم عيد ميلاد حضرتك، تاريخ محفور جوايا و هفضل دايما اول واحد يقول لحضرتك طول ما انا لسه عايش و لحد ماجى لحضرتك ان شاء الله، كل سنه و حضرتك طيب و بخير يا حاج، ربنا يجمعنا ان شاء الله على خير فى عالم مافيهوش لا فراق ولا وجع تانى ان شاء الله".
وأضاف محمد محمود عبد العزيز، قائلاً :"هتفضل ضهرى و سندى و ابويا و ابنى و اخويا و تاج على راسى مهما كانت المسافات اللى بيننا".
وتابع :" يا رب أكون عند حسن ظن حضرتك و يا رب أكون مشرفك و تكون راضى عنى و اتمنى أن هديتى بتاعة السنادى تكون وصلت لحضرتك و تكون عجبتك و فرحتك (لا اله الا الله سيدنا محمد رسول الله).
واستطرد قائلاً :"أتمنى أن تشاركوني فى إرسال هديتى لوالدى العزيز الغالى بالدعاء له، لكم منى جزيل الشكر. (أسألكم الفاتحة و الدعاء لأبويا و لكل من رحلوا عنا)".
محمد محمود عبد العزيز
تم أضافة تعليقك سوف يظهر بعد المراجعة