مبيض محارة مسن: الأطباء منعونى من العمل لإصابتى بالدرن ومحتاج عملية ميه بيضا

فى منزل آن بما تحمله من تبعات الزمن وترك عليه بصماته كما تركها على السكان وفى غرفة بلا حمام يجلس عم ثابت محمد على البالغ من العمر 73 عاما وحيدا بلا ونيس ، حيث إنه لم يتزوج .

محرر اليوم السابع مع عم ثابت

جاء عم ثابت من محافظة سوهاج بحثا عن لقمة العيش واستقر فى منطقة البصراوى بإمبابة وكان يعمل مبيض محارة، وكانت الأمور تسير على ما يرام إلى أن أصيب فى هام 1993 بالدرن، وطلب منه الأطباء التوقف عن عمله كمبيض محارة إلى الأبد ولكن الرجل لم يكن يعرف أى مهنة أخرى فبدأ يعمل باليومية فى أى شىء آخر، أعمار تكسير أو ماشابه من الأعمال الخاصة بالمقاولات (الفاعل).

محتويات الغرفة

ويحكى عم ثابت معاناته فى الحياة فيقول انا كان ليا دوسيه فى مستشفى الصدر وبعد أربع سنين من العلاج قالولى إن الدوسيه بتاعى ضاع ورحت للمدير وادنى ورقة وبعد كده زهقت من الجرى على الورق ومن ناحية تانية أن بعد ما كبرت فى السن ما بقاش حد عاوز يشغلنى بيقولولى إحنا خايفين ناخدك معانا لا تموت وتجيبلنا مصيبة .

الأدوية

ويكمل: وعلى الرغم من كل ده إلا إن الدنيا كانت ماشية معايا ولكن بعد كده حصلى تعب فى عينيا ورحت للدكتور وقاللى إنى محتاج عملية ميه بيضا ومحتاج عملية لحمية فى عينى وأنا مش قادر أوفر لنفسى العيش الحاف ازاى هوفر تمن عملية ، أنا قاعد فى أوضة من غير حمام وبدفع إيجارها 100 جنيه، قدمت على المعاش أكثر من مرة ولم أحصل عليه، ودلوقتى عايش على إحسان المحسنين ممكن يجيلى شهر 100 أو 200 بصرف منها طول الشهر، محتاج أعمل عملية واتعالج لأنى أنا ما بقيتش أشوف كويس وأتعالج من الدرن علشان ارجع اشتغل تانى .  

تقارير وأشعة

صورة البطاقة