محافظة الجيزة تنفى قطع المياه عن كفر طهرمس.. وتؤكد: موجوة بحالة طبيعية

عدد الردود 0

انقطاع المياه عن منطقة كفرطهرمس - فيصل

حسبنا الله ونعم الوكيل.. لنا الله... انا نفسى المسئول بنفسه ينزل المنطقة ويسال احنا قربنا نحصل قرى الصعيد اللى بنتبرعلها عشان تدخلها المايه

عدد الردود 0

كلام محافظة الجيزة غير صحيح فيما ورد عن عدم و جود مشكلة بالمياة بكفر طهرمس

احب اقول ان الواقع اسواء بكثير عما يكتب وينشر فى الجرائد و المواقع الإلكترونية ومحدش حساس بالمواطن الغلبان المطحون من صباح العالمين علشان يوفر لقمة عيش حلال لبيتة و اولادة وابسط شئ ممكن تعملة بعد لما ترجع من شغلك فى ايام الصيف الحار انك تحاول ازالة تعب ومشقة العمل وحر النهار بقليل من الماء لكى تستعيد نشاطك مرة اخري لكى تستكمل مهامك داخل البيت وتقوم بالدور المطلوب منك سواء اكنت اب او ام ولكن حتى دة مش مسموح ليك لانة ببساطة مفيش مية .وعايز اقول لحضراتكم ان المية بتقطع فى اليوم لأكثر من عشرين ساعة ايوة متستغربش انت قرات عدد الساعات صح و انا لم اخطئ فى الكتابة عشرين ساعة متواصلة لان ببساطة المية بتيجى من بعد الفجر حوالى الساعة 4:30 ص وبتقطع الساعة 7:00 ص على اقصى تقدير .تخيل انت مطلوب منك انك تصحى من بعد الفجر و الى بتعملة على المدار اليوم من غسيل و تنظيف وملئ زجاجات المياة وتحضير الأكل ......الخ مطلوب انة يتعمل فى اقل من اربعة ساعات .حرام عليكم ارحمونا احنا فى الأوضاع دى بقلنا اكثر من اربعة سنوات والأمر بدأ بالتدريج فى فترات الأنقطاع لغاية لما وصلنا انها تفضل مقطوعة لمدة 20 ساعة كل يوم احنا بنام مفتحين عين و مغمضين عين ومستنين نسمع صوت المية فى الحنفية علشان نقوم جرى ونعمل زى الناس الى عندها مية .احنا بنوصل لدرجة انهم بيقطعو المية عننا لمدة ثلاثة ايام متواصلة و السبب ان فى تطهير هل انت متخيل .ياريت ترحمونا لاننا غلبنا من الشكوى برقم 125 وكل مرة يتم الرد سيتم عمل شكوى .ولا جديد احنا بنفكر اننا نسيب شققنا و ندور على امامن تانية يكون فيها مية مبتقطعش وللاسف دة بقى صعب لإرتفاع اسعار العقارات .انا بطالب اننا نغير اسم محافظة الجيزة الى محافظة العطش

عدد الردود 0

كاذبون

محافظ لا يقول الحقيقه الواقع أسوأ بكثير المياه بتيجي في اليوم لمدة ساعة فقط من الساعة 5 صباحا حتي السادسة فقط وعند السؤال الاتصال علي رقم الشكاوي 125 اصبحوا لا يردوا انا ستكون في شارع احمد حسن بمنطقة كفر طهرمس ومستعد اواجه اي مسؤول يقول انه مفيش مشاكل في المياه احنا مسكات مستعدون لدفع ثمن الإصلاحات بس نعرف ايه السبب وحد بحب بعاين ويشوف عشان فيه مشاكل في المواسير داخل الشوارع اغثونا بالله عليكم لا احد يستجيب لشكوانا

عدد الردود 0

مسئولون كاذبون

حالة المياه بكفر طهرمس أسوأ كثيرا مما تتصورون او تكتبون المياه لا نراها غير ساعة يوميا وياليتها تأتي في موعد ثابت كل يوم حتى نستعد وندبر احتياجاتنا منها ولكن علين متابعتها طوال ال 24 ساعة حتى نحظى باللحظات التي تأتي فيها المياه ولو لم نفعل ذلك لجاءت المياه وانقطعت دون ان ندري ثم نقضي باقي اليوم بحثاً على زجاجة مياه أقل شي يمكن فعله انهم يثبتون موعد وصول المياه ويحددون موعد وصولها حتى لا نقضي اليوم كله في انتظار سمو قطرة المياه التي يجود بها علينا مسئولو الجيزه