عارفين يا خروف انك جته
ومخوف في معيز الحتة
من غير ما نفخم ونعظم
مقامك معروف والفتة
لا هــ حذرك جنبك ولا افزر
غلاوتك عندي ما تتقدر
على بُـعدك لا بطيق ولا بقدر
من صوفك بلبس واتغطا
لما اسمع حسك بتمتع
الماااااء بتقولها وبتبدع
ارتاح من كل اللى بيوجع
واختم لك وابصم ولا غلطة
ادلع يا حليوه اتمخطر
اتبغدد وعلينا اتشطر
من حقك وزيادة وأكتر
ولا زيك كان ديك أو بطة
انكش وانفش في الصوف
شوق في جيران وضيوف
لو تسمح تعمل معروف
تختار لك جزار ايده فرطة
الرحمة في قلبه حليم بينا
يقطًع ويبيع مش فينا
في السعر حنين يراعينا
وميزان مضبوط قوي ع الشرطة
تم أضافة تعليقك سوف يظهر بعد المراجعة