قارئة تشارك صحافة المواطن بموهبتها فى الرسم وتحلم بأكاديمية لتعليم الفنون

شاركت القارئة أمل بولس البالغة من العمر 22 سنة من أهالى مركز بنى مزار بمحافظة المنيا "صحافة المواطن" بموهبتها فى الرسم.

وقالت فى رسالتها لصحافة المواطن: بدأت أرسم من 4 سنين باستخدام قلم رصاص فقط كنت برسم فالبداية برسم كارتون وكان حلم بالنسبالى أن أرسم بورتريه أو أعرف أجيب الشبه، بدأت أتعلم من على الإنترنت وتابعت فنانين كبار وبدأت أتعلم منهم سنة والتانية وابتديت ارسم بورتريه إلى حد ما كويس، ومن هنا بدأت أطور نفسى فيه.

وأضافت القارئة: بدأت أسأل على الأدوات وأعرف درجات الأقلام واستكشف أدوات متطورة أكتر، رسمت أكتر من 100 بورتريه من بدايتى حتى الآن، فى كل مرة كنت برسم كنت بتعلم من الأخطاء وأحاول أتجنبها، شاركت مؤخرا فى أكاديمية الموهوبين بالمنيا، واللى دايما بتلقى منها دعم وتشجيع كبير جدا، وبناء على تشجيع الأساتذة ليا ابتديت اشتغل اكتر من الأول وجربت خامات غير الرصاص زى الفحم وألوان الأكاسيد فى رسم الأيقونات القبطية وشاركت فى مسابقة Win win للمواهب فى بنى مزار، احلم بترك بصمة واسم فى مجال الرسم، وأن أصل وأتعمق برسوماتى إلى مستويات أعلى وأن أنشئ أكاديمية خاصة بى لتعليم الفنون.