أرسل القارئ أسامة محمد مهندس معمارى، عبر خدمة صحافة المواطن، معلومة معرفية حول الفرق بين الطوب الاسمنتى والطوب الطفلى وفائدة استخدامهم فى البناء.
وقال عبر رسالته: "الطوب الطفلى الاسم الشائع طوب أحمر، من اسمه هو طوب مصنوع من الطفلة وهى نوع من التربة تصب فى قوالب ثم تدخل الفرن لتحرق والمعروف أن الطفلة أول لما يوصلها ماية تنفش وبالنسبة للطوبة تبوش تعالا جرب حط قالب طوب احمر فى مية هيبوش بعد شوية، عشان كده بنشوف ساعات نشع مياه على الحوائط الملازقة للحمامات، عشان كده وانت بتبنى لازم أبعد الطوب الأحمر على قد ما قدر من المياه، تانى حاجة الطوب الأحمر لما تيجى تركب حلوق الشبابيك والأبواب بيتكسر عشان هو مفرغ".
وعن الطوب الأسمنتى تابع: "هو مصنوع من الأسمنت وبيكون مصمت، وهو أغلى من الطوب الأحمر، عشان كده لازم تعرف تستخدم نوع الطوب المناسب فى المكان المناسب، والاستخدامات لهذا النوع مبانى قصة الردم كلها طوب أسمنتى عشان أحمى الأساسات والدكة من المياه الجوفية وبعدين أعزلها بيومين".
ثانيا: كل حوائط الحمامات والمطابخ طوب إسمنتى.
ثالثا: تبنى أول 30 سم من أى حيطة طوب أسمنتى بعد كدة طوب أحمر.
رابعا: بناء المحاكية ( طوب حول حلوق الأبواب والشبابيك) من الطوب الأسمنتى لتركيب الحلق بها.
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة وألفيديوهات باسم القُرّاء.
