صدر حديثًا عن دار كليوباترا للنشر والتوزيع كتاب تحت عنوان "فصيلة نادرة"، للشاعر محمد رجب.
ومن قصائد الديوان:
الكمان
ريحة سجايرك في الهوا أصبحت ..
هي الدليل الوحيد علي إنَّك لسه عايش
وفصيلة دم ذاكرتك النادرة جدًا
مابقتش زي فصيلة باقي جسمك
فـ كويس والله إنَّك..
لسة فاكر صورتك و اسمك
ولون ملامحك الأصفر بوضوح
بقي أبهت جدًا مـ اللَّازم
وأحلامك بقت غالية
علي شوية الفكة اللي في جيوبك
حتي طيبتك ..
بقت من باقي عيوبك
فـ الظاهر إن الواحد مننا مش لازم
يحلم أكتر مـ اللَّازم
الدنيا ..
تشبه سراب ملعون ..
خدعك إنه ممكن يبل ريقك
وما الحُزن إلَّا صديقك
والسفر .. وداع مؤقت
وبرغم إنه بيبعد المسافات ..
لكنه بيقرَّب الأُغنيات ..
فـ بنرجع من تاني نشتاق ..
لـ حضن المطارات
غلاف فصيلة نادرة
