صباح الخير
على ورد بيتفتح
عليه أخاف من الهوى
لو عدى النسيم يجرح
صباح الخير
على قمر بيكون حروف اسمه
بينادى يا أمى
علم بلدى
أنا اللى على الورق رسمه
صباح الخير
على وجه بعشق فيه
كل تفصيلة
على حبه أنا مُجبر
أمر قلبى
و ما لى فى الهوى حيلة
صباح الخير
على حلم
مع الأيام بيتحقق
تخُط حروفك
فى أول يوم سنة أولى
تحُط الهمزة وتدقق
واحد ....اتنين ..... تلاتة
تحسب حسبتك بالظبط
وأشوفك كما تمنيت
ضابط على كتافه
نجوم حلمى
حازم زبط وربط
أوصيك على المظلوم
تجيب حقه
ولا تخشى فى رد الحق
عتاب أو لوم
وأقولك بلدك ......
اتعلم غلاوة الأرض
تصونها وتحميها
شرف و عرض
أطول فى الكلام ....اسمع
رأسك تكون مرفوعة
للسما فوق
كرامة و عزة نفس لا تخضع
ولا يحنيها يوم مخلوق
صباح النور ......
وأنت بعيد وفى قربك
تحميك عناية الله
فى أول يوم فى سنة أولى
بسم الله ........
و توكل على ربك
