بعتني بكام يا صاحبي
قصدي يلي كنت صاحبي
يلي كان مكانك قلبي
خرجت منه وقل تعبي
كان ايه جواك ومخبي
من غير سلام حتى يا صاحبي
ولا مع تقديري وحبي
ده ذنبك انت ومش ذنبي
منك لله ربك وربي
شكراً وكفاية قوي
أنت فاكر نفسك فهلوي
وأسلوبك خبيث ملتوي
طلعت بني ادم مش سوي
عبيط لو فاكر أنك حويط
اخرك شبشب عل الحيط
شكرا وكفاية كده كتير
شفت ياما معايا الخير
وشفت منك قلة تقدير
قليل الاصل أقل تعبير
شكراً لله على وداعنا
ياما شفنا منه كتير وخدعنا
دا كان السبب في وجعنا
خسر قوي كتير دلعنا
ولا كسب من يوم ما باعنا
طلع مكسب لينا ولا نافعنا
دي اللقمة كانت تجمعنا
والفرحة كانت ما تسعنا
اتاريه جعان وخدعنا
ومن اعماله شفنا وشبعنا
شكرا وكفاية فيه
عمرنا اللي ضاع عليه
ومن غيره او بيه
مش فارق رجوعي اليه
هو باع اللي كان شاريه
واشترى اللي باعه وناسيه
شكرا وكفاية الى هذا الحد
بان أصله في وقت الجد
فاكرك حيطة في ظهري سد
طلعت شيطان في شكل جسد
كنت مدد له الف يد
كنت ارخي وهو يشد
ولا أدخل بينا أي حد
بنيت له جسور الود
وكان طريقنا صد رد
بالشر هده هد
وبأيده للكراهية يمد
ولو كان ناسي بجد
يشوف الجمايل ويعد
دا باعني وباع العشره
وأبصم على كده بالعشرة
مش نادم ولا مثقال ذرة
طلعت في نظري حاجة عره
لا نادم على فراقه بالمرة
لا ألم ولا حتى حسرة
بينا وبين بعض حساب في الاخرة
أصله في صورة انسان من بره
ومن جوه أصغر من الحشرة
تم أضافة تعليقك سوف يظهر بعد المراجعة