ناقشت مذيعات برنامج "كلام ستات"، عبر فضائية "ON E"، طرق خاصة للأم المصرية فى إيقاظ ابنها.
وقالت الفنانة نهال عنبر: "العالم كلة بيصحى الأبناء بالراحة.. إلا الست المصرية بتصحى ابنها بأى حاجة قدماها.. أمى لما كانت بتصحينى أيام المدرسة كانت بتصحينى بالراحة مبحبش الصوت العالى.. أنا دلوقتى عاملة أغنية للفنانة ماجدة الرومى هادية منبة بصحى عليها".
من جانبها أضافت الفنان هيدى كرم، ببرنامج "كلام ستات"، عبر فضائية "ON E": "ماما كانت بتصحينى أيام المدرسة كتير جدا.. ومكنتش تصحينى بعنف.. بروح اصحى من النوم ادخل الحمام أكمل نوم على فوط الحمام تيجى بعد شوية أمى تخبط على الباب تصحينى.. أنا بحب النوم.. وبحب أنام كتير".
وعلقت الإعلامية شريهان أبو الحسن عن فيديو تصحية أم لابنها بتشغيل المكنسة الكهربائية بصوت عالى، قائلة: "مشهد عنيف.. المكنسة مبنبقاش طيقين نسمع صوتها واحنا صاحين.. مش بحب حد يصحينى بصوت عالى.. بتنرفز لو حد صحانى بزعق فيه.. وفى البيت لما أكون متعصبة يبقى من قلة النوم.. وعاوزة أنام".
وعلقت الفنانة ندى رحمى: "والدتى كانت بتصحينى وأنا أيام المدرسة تشد الملاية من تحتى وأنزل من على السرير افوق على طول من النوم.. لو ماما صحتى بتنرفز عليها بحب أصحى لوحدى".
