تحدث الإعلامى عمرو أديب، عن اجتماع مهم جرى فى سوتشى الروسية، بين آبى أحمد رئيس الوزراء الإثيوبى والرئيس عبد الفتاح السيسى، موضحاً أنه أعاد الروح للمفاوضات.
وأوضح أديب خلال تقديمه برنامج "الحكاية"، على فضائية "MBC مصر"، أن الغريب فى الأمر، أن هناك أشخاص تركوا أهمية موضوع سد النهضة، وعلقوا قائلين:"شوفوا رئيس وزراء إثيوبيا قاعد ازاى قدام الرئيس المصرى"، مشيراً إلى أن ما يهمنا الذى قاله وليس كيف جلس.
وتابع أديب،"عشان انتوا مخكوا صغير، أنا مخى أصغر منكم، وقلت يا جماعة هاتولنا صور الراجل بيقعد ازاى، قاعد كده قدام الريس بتاعنا، ولا دا قعدته، ما دام تفاهة بتفاهة، أوريكم الناس بتسيب الحاجات المهمة، لأنهم لقوا الاجتماع مشى، أهوا آبى أحمد بيقعد القعدة دى مع كل الناس وفى أى حتة، ومش واخد موقف من الريس، والراجل دا مؤدب جداً ومتعلم بره".
