"الفن والذوق مش بس فى المعارض وعلى اللوحات" هكذا عبرت كل من "رنا جابر" الفتاه الثلاثينية الحاصلة على بكالوريوس سياسة واقتصاد والشاب الثلاثينى "محمد فاروق" والحاصل على بكالوريوس فنون تطبيقية، عن فكرتهم وحبهم للفن والألوان ورغبتهم فى جعلهم جزءا مميزا وخاصا فى حياتنا اليومية .
اثناء التصميم
وذلك من خلال استخدام رسمه الوجوه المختلفة والألوان المميزة فى صناعة أشيائنا الخاصة من ملابس وحقائب وصور تذكارية.
ويحكى "محمد فاروق" لليوم السابع ويقول" احنا بطبيعتنا بنحب الألوان الجريئة والرسم، وأكتر حاجه بشوفها بتأثر فينا هى الناس وعلاقتنا بيها، والوش دايما هتلاقيه بيفكرك بشخص معين شوفته قبل كدا أو كأنك تعرفه، ودايما كل وش بيطلع بتفاصيلة المختلفة ومفيش رسمه فيه بتكون شبه التانية، كل وش بيحكى حكايته".
إحدى الرسومات على الملابس
ولذلك قرر كل من "محمد" ورنا" بدايه مشروعهما الخاص برسم هذه الوجوه على التيشرتات والحقائب المختلقة والصور التذكارية أيضا، ليكون شيئا مميزا وفريدا من نوعه لصاحبه فقط، ليعبر عن شخصيته المختلفة وألوانه المفضلة، وليس شيئا تقليديا متاح للجميع.
إحدى الرسومات على الملابس
وتتابع "رنا":" فكرت ان ليه الفن مايبقاش فى حياتنا الطبيعية وبيعبر عننا، وليه نلبس تيشرت ساده مع ان ممكن نلبس حاجة فيها ألوان بنحبها، وان يبقى فى حاجة معموله مخصوص للشخص، وان يكون عنده قطعه مميزة مش عند حد تانى".
إحدى الرسومات
وأضاف "محمد":" الفكرة بدأت معايا بالصدفة البحته ووقتها فكرت انا ليه ارسم الوشوش دى على ورق وخلاص مع انى ممكن احتفظ بيها، ونزلت وقتها اشتريت الألوان وبدأت ارسم على تيشرت من بتوعى وصورت الرسمه ونزلتها على بروفايلى الشخصى".
استخدام المكبس الحرارى
ومن هنا قد نالت هذه الفكره على إعجاب كل من الأصدقاء ومن يراها، ورغبتهم فى اقتناء شىء مميز وخاص مثله، مما كانت بداية لمشروعهما الخاص.
التيشيرت بعد الرسم عليه
وتابع "محمد":" عشان أقدر ارسم تصميم قريب للشخصية ويحس فعلا انها شبهه، ببدأ أتكلم معاه وهو حابب يكون لون التيشرت او المنتج الى عايزه ايه والألوان الى يحب انها تكون موجودة".
"ويتم بعد ذلك الرسم مباشرة بالألوان ثم استخدام المكبس الحرارى انتهاء بكتابة بعض التعليمات الخاصة للتعامل مع هذا المنتج، حتى يضمن جودته والاحتفاظ به".
الرسم على التيشرتات
ويختتما حديثهما: "اتفاجأنا من رد فعل الناس وان مش بس الشباب هى الى بتطلبه ولكن فى أمهات كمان وأطفال وبيطلب كهدايا، وبنفكر ان الفتره الجاية نعمل ايفنت للناس ونعرفهم ازاى يستخدموا ملابسهم القديمة الى بيحبوها ويرسموا عليها".
الرسم على الحقائب
الرسومات المختلفة
الصور التذكارية
تيشيرت بعد الرسم عليه
رسومات على التيشيرت
لكل وش حكايه
محمد فاروق أثناء الرسم
محمد فاروق
محمد يستخدم الألوان على الأقمشة
