أصدر يوسف الديب، وكيل مديرية التربية والتعليم بالإسكندرية، قرارًا بإلغاء تكليف مدير مدرسة عمر مكرم الابتدائية المسائية بإدارة المنتزه لما نُسِب إليه من قصور فى أداء مهامه وواجبه الوظيفى.
وأشار بيان صادر اليوم من مديرية التربية والتعليم، أنه تم أيضا استبعاد الأخصائية الاجتماعية بالمدرسة لحين انتهاء التحقيقات، كما أحال ولى أمر الطالبة إلى لجنة الحماية المدرسية لتطبيق اللائحة ودراسة إمكانية نقل نجلتها من المدرسة من عدمه.
وترجع أحداث الواقعة إلى تعدى ولية الأمر على الطالبة روان محمد محمود بالصف الرابع الابتدائى بذات المدرسة مما أدى إلى انهيارها وإصابتها باضطرابات عصبية أدت إلى آثار سلبية بالفم والعين ويتم الآن علاجها بمستشفى الطلبة وتم تكليف الإدارة بزيارتها ومتابعة الحالة بشكل مستمر، ونهيب بالسادة أولياء الأمور عدم التعدى على الطلاب والتلاميذ بالمدارس، وترك الإجراءات التربوية التى يتم اتخاذها بين الطلاب للمعلمين والتربية الاجتماعية بالمدرسة ومديرى المدارس، وكذلك عدم دخول المدارس إلا فى المواعيد المحدد لمقابلة أولياء الأمور وفى مكاتب مديرى المدارس .
عدد الردود 0
بواسطة:
رشا عبد المنعم
إهمال مدير عمرمكرم الصباحيه بالاسكندرية
انا ولية أمر بنتى فى الصف الخامس بمدرسة عمر مكرم الصباحيه بالاسكندرية حصل أن يوم الثلاثاء 8/10/2019 أن بنتى أثناء اليوم الدراسى بالمدرسة فى الحصه الاولى تحديداً كانت احتياط قامت الاستاذه شيماء بدخول الفصل واسكات الطلاب بالخبط على السبورة مما أدى لكسرها.وطلعت طالبه تقوم بالوقوف على الفصل وخرجت الاستاذة من الفصل وعلى أساسه. قام الأولاد بأعمال تخريبيه وتكملة تكسير السبورة والخناق مع بعض بالخشب وبنتى أتصابت نتيجة ضربها بالخشب فى الأذن اليمنى وحدث نزيف من الأذن مع العلم أن ده من الحصه الأولى ولم يتم اخطارى ونزلوا بنتى للزائره الصحية بالمدرسة وقالت لها بالحرف( لا انتى دونك بتنزل دم خلى مامتك توديكى المستشفى)فا صحبة بنتى اتصلت بيا وقالتلى الحقى ياطنط جودى الولاد ضربوها ودخلوا الخشب فى ودنها وبتنزل دم وهى بتعيط ومفيش عندنا مدرس نقوله. طبعاً جريت على المدرسه ودخلت لبنتى بعمل حجة عندى ظرف طارئ ولازم اخدها ودخلت للسيد المدير وقالى بمنتهى الإستهزاء انتى ماعندكيش علم أن ممنوع تاخدى بنتك أثناء اليوم الدراسي. قولتله إلا فى حالة وجود ظروف طارئة وفعلاً عملت إذن انصراف علشان اشوفها وطلعت الفصل لاقيت بنتى قاعده بره الفصل علشان فى مدرس قالها خليكى بره الفصل علشان انتى تعبانه اخدت بنتى ونزلت للسيد المدير وده بقى كان الصدمة الأكبر دخلت ببنتى وهو عمال يتباهى انه قائد لمدرسة وان الإدارة بتميزه وان هو قائم بوظيفته على أكمل وجه قولتله انا حصل مع بنتى كذا كذا ومفيش عندهم مدرس والاولاد بيقطعوا فى بعض ولا فى مدرس ولا مشرف ولا حاجه الأستاذ المدير استدعى الاخصاءية وقالها مين عند فصل 5/3 قالتله احتياطى قالها ومين اللى نازل فى الاحتياطى قالتله الاستاذه شيماء المدير بصلى وقالى اه ده انا مكلفها تعملى أعمال كتابيه قولتله وتسيبنى الفصل والعيال كده تجاهلنى وسأل بنتى انتى مانزلتيش للدكتوره قولتله حضرتك دى اسمها زائرة صحية قالى يامدام انا بسالها طبعاً بنتى ردت عليه قالتله نزلتلها وقالتلى انا ماقدرش اعملك حاجه ودنك بتنزل دم خلى مامتك توديكى المستشفى. الأستاذ قالها طيب وبعدين وده المفروض تبلغينى قالتله أصل انا مابصيتش فى الساعه وقولت انهم قربوا يروحوا. طبعاً مفيش كلام بعد كده من السيد المدير المحترم غير انا اسف وتبقى تطمنينى على جودى .خرجت من المدرسه على مستشفى شرق المدينه والحمد لله الجرح سطحى وخرجت منها على قسم اول منتزه وقومت بعمل محضربرقم12310ادارى مرفق بتقرير طبى ضد مدير المدرسه الفاضل بسبب الإهمال الجسيم الواقع على أبناءنا فى المدرسه وتقصيره فى إتخاذ الإجراءات الازمه. وإرهاب الأولاد فى المدرسه