|
|
|
|
وعليها تقليه
شهقة مدوية
يا سنتي السوخة
عل الريحة ديه
ريحة ذكية
لقمة ناشفة وتسقيه
ولا بودن قطة طرية
او شوية رز بالشعرية
وجواها لحمة مستوية
يا سلام بعد العصرية
ملمومين على الطبلية
وجبة تقيله ورئيسية
ويا سلام لو كمية
عليها ريحة جهنمية
ريحتها ما فيها سرية
عليها العيلة بلطجية
وبعدها الضربات جوية
في كل حتة مدوية
قنابل في البيت ذرية
والنفس هو الضحية
اكلة غنية و صحية
بفراخ وارانب مش قضية
بالجمير ي تبقى نارية
طازة وبايته شهية
مطلوبة وعليها توصية
يخرب بيتها دي الصبية
ليها حكاوي غرامية
الكلام عليها شوية
كان الاول اسمها خية
على النيل عند المصراوية
طلع معناها كلو خية
وسموها كمان ملوكية
من عهد الدولة الفاطمية
لها قصص مش عادية
بسيطة ومش مستعصية
في الاول عايزه تنقية
تقطفها وتخرطها عجينة طرية
وف شوية شوربة مغلية
توم وكزبرة في سمن قوية
ونحمرهم في طاسة شوية
وتقلبيهم كمان يا عينيه
خلاص بقت ملوخية
في حلة مش في صينية
قلب واصبر ع التسوية
مش طالبة حمية غذائية
لها افضلية واولوية
يتغنى لها مية اغنية
عليها قسية وحنية
وليها طلة سحرية
لذتها غير عادية
تغير لك النفسية
اكلة بشرية ذهبية
والقولون هات له ادوية
اكلة ملوكي وشعبية
في المالية اقتصادية
المهم هي النوعية
حاجة كده وهمية
في الطعم مفترية
لو اتعملت احلى هدية
جامدة طحن مش طبيعية
فوائدها كتير و مغذية
اكلة انما ايه عبقرية
اكلة حلوة و هنيه
من غير اسف وحسن نية
ليها طلة وشخصية
تجيب من الاخر المغرية
والحديث له بقية
على بنت الآيه الملوكية
تم أضافة تعليقك سوف يظهر بعد المراجعة