بعيداً عن الرياضة وملاعبها وصالات المنافسات، هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققها، ويظهر فيه اهتمامهن بحياتهن الشخصية وهواياتهن.
نجمة اليوم هى ندى مدنى لاعبة منتخب المصارعة فكان معها الحوار التالى :
ندى بالحجاب
ما هوايتك المفضلة بعيدا عن الرياضة؟
الكتابة، فى وقت الفراغ بحب أكتب أى حاجة المهم أكون ماسكة القلم وشغالة كتابة.
ما الأكلة التى تتميزين فى طبخها؟
بدون سخرية بعرف أعمل البيض، سواء مسلوق أو مقلى، غير كده مش بعرف أعمل اى حاجة فى المطبخ.
ندى لاعبة المصارعة
من نجمك المفضل؟
على ربيع بيضحكنى جدا وتعبيرات "وشه" فظيعة.
من مطربك المفضل؟
محمد منير الكينج طبعا.
ندى و الاصدقاء فى السيارة
لو لم تكونى لاعبة كنتى تتمنى تكونى إيه؟
لو بعيد عن مجال الرياضة كنت أتمنى اكون دكتورة لو في المجال يبقى ممكن مدربة أو رئيسة الاتحاد مثلا.
مين من نجمات السينما كنتى تتمنى تكونى مثلها؟
مش حد معين، مش متخيلة نفسى ممثلة أصلا.
ندى بالدراجة
لما تتعاكسى فى الشارع ممكن تستخدمى العنف أم لا؟
لو معاكسة بعنف يبقى حتقلب معايا عنف وهو يستحمل.
بتحبى الملابس الكاجوال ولا الفورمال؟
بحب الاثنين، كل حاجة ليها وقتها طبعا.
ندى مدنى لاعبة المصارعة
يكون رياضى لأن الرياضة بتأثر على طريقة تفكير الإنسان، وكمان هيقدر ظروف التمرين والماتشات و السفر والبطولات.
لو طلب منك تسيبى الرياضة هتعملى إيه؟
مفيش مشكلة لأن الرياضة ليس من أولوياتي مثل الدراسة، وسأختار الاستمرار فى دراستى.
