بعيدا عن الرياضة وملاعبها وصالات المنافسات، هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تتحقق على أيديهن، ويظهرن من خلاله اهتمامهن بحياتهن الشخصية وهواياتهن.
مريم هشام
ما هوايتك المفضلة بعيدا عن الرياضة؟
بحب الرسم وسماع الموسيقى.
ما الأكلة التى تتميزين فى طبخها؟
أتميز فى عمل الكريب بكل أنواعه.
مريم خارج الصالة
من هو نجمك المفضل؟
دائما بتابع الفنانة كارمن بصيبص
من هو مطربك المفضل؟
فى قديم وفى جديد، يعنى مثلا بحب أسمع أم كلثوم وشيرين عبدالوهاب.
لولم تكونى لاعبة كنتى تتمنى تكونى إيه؟
كان نفسى أكون co-pilot مساعد طيار.
التؤام مريم ومروة هشام
لما تتعاكسى فى الشارع ممكن تستخدمى العنف؟
لا أنا مش بنزل الشارع مشى كتير، فلا يوجد فرصة للمعاكسة.
مين من نجمات السينما كنتى تتمنى تكونى مثلها؟
بصراحه مليش فى التمثيل.
مريم وشقيقتها
بتحبى الملابس الكاجوال ولا الفورمال؟
بحب الملابس الكاجوال بتكون أسهل فى الحركة.
تفضلى الارتباط بشخص رياضى أم غير رياضى؟
أحب الارتباط بشخص رياضى أكيد، لأنه هيقدر ظروف الرياضة والتدريبات والماتشات والسفر.
لو طلب منك تسيبى الرياضة هتعملى أيه؟
طبعا لأ.. مش هسيب حاجة بحبها.
تم أضافة تعليقك سوف يظهر بعد المراجعة