قال الإعلامى عمرو أديب، إنه فى 26 مارس المقبل يكون قد مرت 40 عاماً على اتفاقية السلام مع إسرائيل، فإن صحيفة "جيروزاليم بوست"، عرضت استطلاع رأى كشف عن أن 82 % من الإسرائيليين أكدوا أهمية السلام مع مصر.
وعلّق أديب، خلال تقديمه برنامج "الحكاية"، على فضائية "MBC مصر"، على تهنئة أفيخاى أدرعى المتحدث باسم وزارة الدفاع الإسرائيلى، للفنانة هيفاء وهبى بعيد ميلادها وتصريحه "حسن نصر الله اللى انتى بتوقفى جنبه معهوش فلوس يجيبلك هدية"، قائلاً: "ميعرفشى العرب كويس، أنا وأخويا على ابن عمى وأنا وابن عمى على الغريب".
وتابع أديب: "إذا كنت متخيل أن الدعابة دى تثير العداء لحزب الله، انت غلطان، لأنها جاية من إسرائيلى، الناس رغم 40 سنة بتوع السلام عندهم حاجز نفسى حتى الآن مع إسرائيل، أرضنا لسه عندك، القدس لسه عندك، المسجد الأقصى وحقوق الفلسطينيين لسه عندك، واسأل المصريين هيقولولك كده".
وأردف: "الدعابة النهاردة مجابتش نتيجتها يا أفيخاى وأرجو ترجع للضابط بتاعك فى الموساد وتقوله عمرو أديب امبارح بيقولى إن دى تعمل تعاطف مع حزب الله مش تقوم ضده، شوفه هيقولك ايه؟"، مستطرداً:"لغاية دلوقتى الإسرائيليين مش فاهيمن دماغنا وحقوقنا والوجع اللى احنا فيه حتى بعد 40 سنة من اتفاقية السلام معاهم".
تم أضافة تعليقك سوف يظهر بعد المراجعة